تحدث السويسري مارسيل كولر المدير الفني للفريق الأول لكرة القدم بالنادي الأهلي عن تعادل الفريق مع سيراميكا كليوباترا بهدف لكل فريق في المباراة التي جمعت بينهما مساء اليوم الأربعاء ضمن منافسات بطولة الدوري الممتاز.
وقال كولر في المؤتمر الصحفي بعد نهاية المباراة: "لعبنا ماتش كويس ضغطنا اتحكمنا في الماتش بالكامل خلقنا كم فرص غير عادي ضيعنا فرص كتير أوي للاسف مقدرناش من كل الفرص دي اننا منجيبش غير جول واحد من ضربة جزاء".
وأضاف: "اعتقد اننا استحقينا الفوز المنافس موصلش حتى 3 مرات على الجول دافعوا وقعدوا مستنيين الكورة وحاولوا يعملوا هجمة مرتدة وده مقدروش يعملوا بيه خطورة".
وأكمل: "بنلاحظ كمان فرق كتير ان عدد الميس باص قل كتير وده بسبب جودة ارض الملعب الفرق كبير جدا اشكر جمهور الأهلي الللي حضر بكثافة ودعم الفريق طول المباراة بشكرهم".
وواصل: "بالتأكيد الملعب ده احسن من ملعب السلام فارق على اداء الفريق الكورة اللي بنلعبها فيها كتير على الارض وبنلعب باص كتير لما الكورة متبقاش ماشية كويسة ده بيعملنا اخطاء كتير في الاستلام والتسليم".
وأتم كولر حديثه: "لكن الملعب فرق كبير جدا والملعب التاني فارق معانا وعاملنا مشاكل دي واضحة ولما بنخرج برة الملعب ده شكلنا بيبقى احسن".
