كشف السويسري مارسيل كولر المدير الفني للفريق الأول لكرة القدم بالنادي الأهلي عن الأمور التي ينظر إليها عند التعاقد مع لاعبين جدد للانضمام لصفوف الفريق.
وقال كولر في المؤتمر الصحفي بعد مباراة الأهلي وسيراميكا كليوباترا: "انا مش شخص يمنع حضور لعيبة كويسة للنادي الأهلي المشكلة لما باجي اختار لاعب مش بس ببص على امكاناته الفنية بس لكن ببص كمان على اخلاقه وصفاته تناسب النادي الأهلي ولا لا".
وأضاف: "احنا عندنا كدة كدة قايمة كبيرة انا مش من مدرسة اني اجيب لاعب زي اللي عندي انا لازم اجيب لاعب افضل من اللي عندي وعلشان اعمل كدة لازم ادقق واتفرج وادرس اللاعب كويس علشان في الاخر مجابش واحد زي اللي موجود".
وأتم كولر حديثه: "مفيش قراية بين السطور انا كلامي صريح نادي كبير زي النادي الأهلي اول ما يبدأ ميركاتو لازم يفكر في التدعيم ويقوي نفسه ويبص على اللاعيبة اللي مش محتاجها ويغير في قايمته لكن القاعدة الثابتة ان لازم اللي يجي يبقى احسن من اللي موجود".