أعرب السويسري مارسيل كولر المدير الفني للفريق الأول لكرة القدم بالنادي الأهلي عن سعادته بعد الفوز الكبير الذي حققه الفريق على حساب بيراميدز بثلاثة أهداف دون رد.
وقال كولر في المؤتمر الصحفي بعد المباراة: "اكيد فرحانين بالمكسب انهاردة كنا منظمين جدا وظهرنا فريق منظم جدا انهاردة عارفين ان بيراميدز فريق كويس وعنده لعيبة على اعلى مستوى وكنا نستحق الفوز".
وأضاف: "اتقدمنا في النتيجة بتسديدة رائعة من السولية وكنا مخططين اننا نجيب جول في البداية وبعدين ننظم نفسنا اكتر دفاعيا ونخليهم يجروا ورا الكورة ونرهقهم طول المباراة وقدرنا في الشوط التاني نتحسن ونكون اكتر صلابة ومنظمين اكتر والمساحات قفلناها ومسمحناش بأي فرص علينا وقدرنا نستغل الهجمات المرتدة زي ما كنا مخططين بالظبط".
وواصل: "كانت مباراة مهمة اللعيبة تدرك اننا فريق كبير مش بس بنلعب لقدام ونعرف ازاي نقف وندافع ونقفل مساحات ومنستقبلش اهداف ودي سمات الفرق الكبيرة وده اظهرناه انهاردة".
وأتم كولر حديثه: "اهم حاجة المكسب بيساعدنا اننا نتقدم بيبقى رسالة قوية للعيبة الافكار اللي بنقولها بتبقى صح واننا ماشيين على الطريق الصحيح ونتحسن افكار صح المكسب بيقولك انك على الطريق الصحيح اللعيبة بيحاولوا يطبقوا فكري في كل مباراة المكسب كويس وحلو وبيساعدنا اننا نحسن اكتر ونطور اكتر والشغل بأريحية اكتر".
