نيللي: فيلم «العذاب امرأة» أكثر أعمالي التي أحبها
نيللي: فيلم «العذاب امرأة» أكثر أعمالي التي أحبها
وجهت الفنانة القديرة نيللي، الشكر لبرنامج "الستات ميعرفوش يكدبوا" خلال حلقة اليوم التى قدمتها الإعلاميات منى عبدالغنى وإيمان عز الدين، بعد احتفال البرنامج بعيد ميلاد الفنانة الكبيرة، قائلة: "أنا بشكركم جدا وبحبكم قوى على أنكم افتكرتونى، أنا بشوفوكم كل يوم".
وكشفت الفنانة نيللى، فى مداخلة مع برنامج الستات ميعرفوش يكدبوا، عن أكثر عمل له مكانة كبيرة من أعمالها التي قدمتها خلال مسيرتها، مضيفة:" أنا دايما فاكرة فيلم "العذاب إمراة" لأنى أنا وقتها اللى صممت اختار الدور اللى قدمته، وقتها كان في دورين وقررت أختار دور السيدة الشريرة ورفضت تقديم الدور اللى له مساحة أكبر وعملت شخصية الست اللى مش طيبة".
ووجهت الفنانة القديرة نيللى، نصيحة هامة لكل السيدات، قائلة: "بقول لكل الستات لازم نسامح، التسامح بيحقق رضا النفس، والرضا هيخلق السعادة، ودايما منبصش للحاجات الوحشة ونبص للحاجات الحلوة عشان نكون سعداء فى حياتنا"، مؤكدة أن الحب يجعل الست منورة وبيأثر على حياتها بشكل إيجابى، مشيدة بالممثلين والممثلات الشابات، وقالت: “أنا بحب الجديد دايما، لأنه حاجة بتدي أمل في الحياة، وبحب دنيا سمير غانم جدا، وهى تقدر تقدم الفوازير لأنها موهوبة”.
