مقام الكرد
مقام الكرد
النهارده وعلى مدى حلقتين كاملين هاناخد مقام مهم جدا هو مقام الكرد.
مقام الكرد من أشهر المقامات الموسيقية وأجملها وأسهلها في السلم الموسيقي. وبسبب المميزات دي، تقدر تقول إن أكتر أغاني اليومين دول متلحنة من مقام الكُرد.
مقام الكُرد هو مقام وجدانى، عاطفى دافى، رقيق الطابع عميق الإحساس، وبيمتاز بتأثيره في نفوس السامعين لإنه مقام شرقى بيطرب، وبتظهر فيه الألحان عذبة وشيقة.
للأسف مافيش ولا لحن قبطي من مقام الكرد، لكن من الترانيم المشهورة لمقام الكرد:
ترنيمة مين أحن منك، اللي لحنها الفنان المبدع إدوار حنا، ومزمور الرب نوري وخلاصي اللي أنا لحنته في منتصف السبعينات.
تعالوا مع بعض نسمعهم عالعود و نعرف أكثر عن مقام الكرد:
