رد سامي قمصان المدرب العام بالجهاز الفني للفريق الأول لكرة القدم بالنادي الأهلي، على التقارير الصحفية التي أشارت إلى قرار النادي بتجميد البرازيلي برونو سافيو لاعب الفريق.
واستبعد الجهاز الفني للنادي الأهلي بقيادة مارسيل كولر، اللاعب برونو سافيو من قائمة الفريق النهائية المشاركة حاليًا في كأس العالم للأندية المقامة بالمغرب.
وقال قمصان خلال حديثه عبر قناة أون تايم سبورتس: "انا مش عاوز اتكلم في حاجات مرتبطة بالفريق، سافيو لاعب مميز كان له دور كبير في الفترات اللي فاتت ساهم بشكل كبير في بطولة السوبر وادى اداء جيد".
وأضاف: "الراجل له وجهة نظر فنية في حاجات معينة لكن مفيش الكلام اللي بيتردد.. ده ملوش اي وجود بالعكس الراجل بيأدي دوره".
وأتم قمصان حديثه: "الفترة اللي فاتت كان مصاب مرجعش للحالة البدنية والفنية لكن اعتقد دلوقتي حالته كويسة جدا ويقدر يساعدنا في مباريات الدوري عندنا مباريات كتيرة محتاجين كل اللعيبة اعتقد هيبقى له دور كبير معانا في الدوري وافريقيا وكاس مصر".
