الأب بيتر حنا: “يا عيب الشوم على هيك دول وهيك مجتمع دولي..الناس بتتنفس تحت الحجار.. وهما بيدروسوا القوانين الدولية”
الأب بيتر حنا: “يا عيب الشوم على هيك دول وهيك مجتمع دولي..الناس بتتنفس تحت الحجار.. وهما بيدروسوا القوانين الدولية”
تعليقًا على تعامل المجتمع الدولي مع الأزمة في سوريا بعد الزلزال المدمر والتي راح ضحيته أكثر من ألفين شخص بخلاف الضحايا، ومازال المجتمع الدولي بعيد عن المشكلة بسبب الأزمة السورية.
وكتب الأب بيتر حنا كاهن الروم الأرثوذكس “يا عيب الشوم على هيك دول وهيك مجتمع دولي،
نصف سوريا مطمور،
الناس بعدا عم تتنفس تحت الحجار، ناطرة إيد تسحبها،
ومجتمع دولي عم يدرس القوانين الدولية ويعمل مناظرات قانونية،
تيشوف ازا بيبعت مساعدات أو لاء..
تيشوف إزا العقوبات بتسمح او لاء..
عقوبات على مين؟
هودي الناس المطمورين تحت الأرض ناقصهن عقوبات؟
مجتمع غربي غريب،
يطالب بحقوق الحيوان،
يحمي حقوق الشواذ،
ولكن عاجز عن الإحساس تجاه البشر..
سوريا مش عم تواجه الطبيعة،
عم تواجه إنسانية غير طبيعية
الأزمة الحقيقة هي أزمة إنسانية..
أهلنا بسوريا، كل الحب والصلاة..
ما إلنا غير الله، فعلاً
ما إلنا غير الله.”
