أكد خالد مرتجي أمين الصندوق بالنادي الأهلي، أن ما حدث من جماهير نادي الهلال تجاه الفريق الأول لكرة القدم بالنادي خلال تواجده بالسودان جاء بسبب بعض التصريحات غير المسئولة.
وقال مرتجي خلال حديثه عبر قناة النهار: "جمهور الهلال اقتحم ملعب تدريب النادي الأهلي بناء على تحريضات غير مسئولة للاسف.. الناس بتطلع تتكلم وبتحرض الجماهير".
وأضاف: "في مثل بيقول لو كان المتحدث مجنون يبقى المتلقي عاقل لما الناس تقول النادي الأهلي هو اللي خلى الكاف يمنع الجماهير هل بني ادم عاقل ومتعلم يقبل حاجة زي دي؟".
وأكمل: "في لوايح وشروط أمن وسلامة للجماهير والملعب لو شروط الكاف غير مطابقة وبالتالي يحمي الجماهير يبقى النادي الأهلي اللي طلب حاجة زي كدة بدليل ان نادي اخر بيلعب برة السودان".
واتم مرتجي حديثه: "أتمنى من السيد كرم جبر أنه ياخد اللي اتقال عليه المفروض الناس تراعي شعور المجتمع والمصريين وتراعي ان ميبقاش في نوع من انواع العنف وتحريض الجماهير والامن والوطن والشعارات اللي بتتقال اتمنى المجلس الاعلى للاعلام ياخد القرار الصح في الناس اللي بتحرض وبتتكلم بطريقة غلط وبتحرض الجماهير وبالتالي الجماهير صدقت اللي اتقال ونزلوا اقتحموا الملعب".
