تحدث محمد سراج الدين عضو مجلس إدارة النادي الأهلي، عن ملف أرضية ملعب مختار التتش، التي يتدرب عليها الفريق الأول لكرة القدم بالنادي، ومدى إمكانية تغييرها.
وقال سراج خلال حديثه عبر قناة النهار: "المواضيع اللي بتتعلق بالكرة بتكون رؤية فنية كاملة للمدير الفني دايما بتلبي احتياجات المدير الفني سواء من لاعبين أو أرضية ملعب أو أي شئ يطلبه".
وأضاف: "أرضية التتش اتعملها صيانة مؤقتة مش ده هدفنا لكن استغلينا فترة وجود الفريق في المغرب وعملنا صيانة وحالة الملعب أفضل شوية لكن مش ده الهدف".
وأكمل: "كابتن الخطيب طلب ان الملف ده يبقى له دراسة علمية بشكل محترم والارضية دي هتاخد وقت قد ايه وهتتكلف قد ايه والبديل هيبقى ايه لأن بيبقى في حالة مع اللعيبة انهم مستقرين في ملعب وعندك كل التجهيزات جوا مختار التتش".
وواصل: "علشان تنقل ده كله لمدة 4 أو 5 شهور علشان الملعب يتغير لازم يبقى في استقرار ده دايما امر بيرجع للمدير الفني.. فيه مدربين سابقين شايفين حالة الملعب عاوزين يغيروها لكن عندهم اولوية انهم مش عاوزين ينقلوا ويهدوا استقرار الفريق في اوقات مهمة من الموسم".
وأتم سراج حديثه: "لكن ممكن الموسم الحالي يبقى في دراسة للأمر وأكيد لو الأمر ده مش هيضر استقرار الفريق وهيبقى في بديل في استقرار ممكن بنهاية الموسم يكون في تفكير في تغيير هذا الأمر".
