تحدث العامري فاروق نائب رئيس مجلس إدارة الأهلي عن بيان الهلال السوداني الذي أصدره عقب خروج الفريق أمام الأهلي.
وأوضح العامري فاروق في تصريحات عبر إذاعة الشباب والرياضة مع الإعلامي محمد الليثي: "بيقولوا كلام ان جمهور الأهلي تجاوز في حقهم بحاجات عنصرية دي حاجات محصلتش ده كذب، وده ملف سياسي بيتلعب ولها حسبة تانية، أكيد الأهلي بيدرس الملف وهيكون فيه رد فعل".
وتابع العامري فاروق تصريحاته: " البيان اللي اتعمل فيه عدد من النقاط، انت عاوز تعمل أزمة سياسية انت بتتعامل مع الأهلي ودولة مصر احنا بنحترم الشعب السوداني، كلام للأسف فيه لعب سياسي وهتلاقي فيه حاجة من تحت الطرابيزة، وعندنا كل حاجة موثقة من السفرية اللي هناك والسفرية اللي هنا".
وأضاف نائب رئيس الأهلي: "واضح ان فيه ملفات بيتلعب فيها ولازم الناس تكون مدركة الناس الكبيرة ولما جم هنا كانوا متخوفين وصفحات الهلال كانت بتقول حاجات غريبة ودخلوا بعض الأندية اللي موجودة في مصر انت عندك اهداف أخرى تعمل فتنة داخلية انت بتخطط لإيه انت بتخطط لمشهد سياسي ولا بتلعب رياضة احنا كنا راصدين ومدركين لأن علاقتنا المفروض بيهم طيبة".
واختتم العامري فاروق تصريحاته: "هو يقول زي ما هو عاوز، الملف بيتلعب سياسة، كنا راصدين ده واستقبلناهم في صالة كبار الزوار وهمه قالوا على حسن ضيافة الأهلي وخصصنالهم 100 دعوة وطلبوا تذاكر وتم التنسيق فورا مع الإتحاد المصري وتذكرتي وخصصنالهم 2400 تذكرة واشتروهم بالكامل واتعملهم استثناء من الفان أي دي ودخلوا بالباسبور واتخخصلهم أماكمن في المقصورة الرئيسية وكانوا جايبين أطفال يقعدوهم في الصف الأول واترفض لأن ده مينفعش".
