علق الإعلامي أحمد شوبير على دعوات عدد من جماهير النادي الأهلي لمقاطعة حضور مباراة الترجي التونسي في إياب نصف نهائي دوري ابطال افريقيا.
وقال شوبير في تصريحات عبر برنامجه الإذاعي اليوم الأحد "هو انت اهلاوي بجد؟ بتهزروا ولا بتتكلموا بجد؟ الادارة عاملة الي عليها ومموتة نفسها، الادارة هتشتغل على المنافسين ولا انت هتبقى المنافس؟".
وتابع "الي مش عاوز يروح ميروحش، لكن متصنفش نفسك أهلاوي وتبين نفسك انك حامي الحمى، الإدارة شغالة والأمور الي مضايقة الناس بتتحل".
وأضاف "انت وصلت انك تبقى كامل العدد في مبارياتك الإفريقية في استاد القاهرة، وفي نهائي الكأس أخدت نص سعة استاد القاهرة، بعد 50 الف زقة للأمام، بتعمل دعوات للمقاطعة؟ هذه دعوات ضالة ومضللة، دي مش دعوات غاضبة".
وواصل شوبير "انا كلامي صريح ومش هغير كلامي مهما حصل، انا قدامي نص خطوة واكون في نهائي افريقيا للمرة الرابعة على التوالي، تيجي انت تقولي دعوات مقاطعة؟".
وأردف "متروحش لو عاوز ولك مطلق الحرية، لكن متجبرش غيرك ميروحش المباراة، بتلعبوا على ذهن الشباب الصغير بيتأثروا بأي كلمة، عارف ان في حالة زعل وحزن بس كل الأمور هتتحل، لكن الفريق ماله؟".
وأختتم أحمد شوبير تصريحاته "انا متاكد ان هذه الدعوات لن تلقى أي قبول، ولو لقت هيبقى قبول غير مؤثر في الحضور".
