كشف أحمد شوبير الإعلامي بقنوات أون تايم سبورتس، عن مشروع منتظر لـ شركة النادي الأهلي لكرة القدم خلال الفترة المقبلة.
وقال شوبير خلال حديثه عبر قناة أون تايم سبورتس: "مشروع شركة الأهلي لكرة القدم إطلاق وإدارة أول منتج للتفاعل الرقمي بالتعاون مع إحدى الشركات اللي بتشتغل في هذا المجال البروتوكول هيبقى فيه تطبيق تفاعلي خاص بالنادي الأهلي".
وأضاف: "هيبقى في اشتراك مقابل حوالي 100 جنيه في السنة من خلاله مشجع النادي هيتصفح أخبار وفيديوهات وصور حصرية لأنشطة الأهلي ومبارياته والتدريبات المختلفة وكمان هيبقى متاح للمشتركين في هذا التطبيق يحضروا فعاليات الفريق المباريات والتدريبات بشكل خاص".
وأكمل: "هيكون كمان متاح ليهم يقعدوا مع المدرب كولر يقابلوه ويتكلموا معاه ويناقشوه في افكاره الفنية ويقابلوا النجوم ويلتقطوا معاهم صور تذكارية وده هيتم بنظام معين ده هيتم اعتماده لما يطرحوا التطبيق بشكل فعلي قريب جدا".
واختتم شوبير حديثه: "الأهلي الموسم الأول من تنفيذ الفكرة دي عاوز مليون أو مليون ونص مشترك ده يحققله أرباح تصل لـ 150 مليون جنيه منها الأهلي ياخد على الأقل 130 مليون جنيه والشركة اللي بتنفذ المشروع تاخد حوالي 20 مليون جنيه نظير أنها هتقوم بتحمل كل القيمة المالية للمشروع والأهلي لن يتكلف مليم واحد الفكرة حلوة لكن المهم التطبيق".
