عيسى ابراهيم

** استمعت لتسجيلين صوتيين لشخصين احدهما من دارفور يحكي عن التطهير العرقي الذي تم في دارفور في عهد الانقاذ المشؤوم رغم مرارة المحتوى لابد من ايراده والاستماع اليه لان كل تجربة لا تحدث عظة تكرر نفسها واصدقكم القول فان استماعي للسرد المؤلم للاحداثفي دارفور قد ابكاني واجرى مدامعي.. والتسجيل الصوتي الاخر من جنوب السودان ينعي على السودانيين جهلهم بالتركيبة الديموقرافية المشكلة للسودان ومحيطه الجغرافي القبلي حيث فصلت الحدود الاستعمارية بين اثنياته..
التطهير العرقي بدارفور:
** يقول صاحب التسجيل الاول: ” انا من جنوب دارفور واتربيت في جنوب كردفان اسمعو الكلام دا كويس انا شاهد عيان لما حدث ما فيش زول قال لي.. الشعب السوداني شعب عاطفي ونحن اكثر ناس منافقين الشعب السوداني النفاق العندو في الدنيا دي ما في..انا داير منكم ما تزعلو المعاناة البتعانوها دي (يقصد الحرب في الخرطوم) نحن قبلكم عانيناها..دارفور دي الابادة التمت فيها الصنع موسى هلال الصنع علي كوشيب الصنع احمد هارون الصنع  حميدتي ديل منو اربع نفر ديل ابادو اهلنا في دارفور الصنعم منو الجيش دا ما جيش وطني.. عمرو كلو بيكتل في اهلو ياها ديك حلايب وشلاتين مالو ما شالوها..كلهم عملاء بيكتلو اهلنا في دارفور..وين الكتلوهم في دارفور المرة البترضع في جناها يشيلو جناها ويمسكوهو من كرعينو ويضربو بيهو الشجرة لغاية ما يموت..انتو نسيتو الابادة الحصلت في دارفور يدخلو في القطية العشرة والعشرين يولعو فيهم نار تسمع العيال واي واي لغاية ما يموتو.. ما سمعتو الناس بيصلو جوا المسجد ابادوهم دل دل دل جوا المسجد  ما سمعتو المسجد دا لغاية الان بياذن ما معروف الباذن فيهو منو؟..اوسخ قلوب قلوبنا نحن السودانيين.. برهان وحميدتي كانو بيبيدو اهلنا في دارفور انا بكيت لي الله المصيبة دي تحصل في الخرطوم عشان الشعب دا يعرف الحصل في دارفور..انا دعيت ربي واستجاب ليا”..
التطهير العرقي او القتل على الهوية ما المبرر؟!:
** حتى الان (وبانهاك ذهني مستمر) لم استطع قط فهم دوافع ومسوغات واهداف علي عثمان والبشير وقيادات الحركة الاسلاموية في اتجاههم لاجراء تطهير عرقي على سودانيين مسلمين اشتهروا بجهدهم القديم المقدر في كسوة الكعبة وايمانهم العميق بدينهم وسلميتهم التي اشتهروا بها على مر الازمان..كيف تسنى لهؤلا القتلة ان يعملوا الة القتل والابادة بلا ذنب جنوه على هذه الفئات؟؟..فاذا قال احدهم هي فوبيا الاسلاعروبية قلنا له ان تلك ليست برباط دم وانما هي رابطة لسانية فكما قال سيد ولد ادم (عليه افضل الصلاة واتم التسليم): “من تحدث العربية فهو عربي” مخرجا لها من العنصرية البغيضة!!..فهل يا ترى هناك محددات اخرى مغايرة؟؟..
تداخل قبلي تفصله حدود مصطنعة:
** احد اخوانن8ا من جنوب السودان يعيب على السودانيين (بناء على اطلاق اسم الجنجويد على الدعم السريع وضمه لافراد من النيجر وتشاد وافريقيا الوسطى وغيرها) عدم معرفتهم بجغرافية وسكان وقبائل السودان واعتمادهم (في التفريق) على الحدود السياسية التي وضعها الاستعمالر والتي فصلت (كما يقول) بين القبائل في الجوار الحدودي وذكر ان الكثيرين لا يعلمون ان هناك كيزانا في تشاد وكيزانا في السودان.. وهناك زاندي في الكونغو وزاندي قي جنوب السودان.. وتداخل اثني قبلي في يوغندا وفي جنوب السودان..
** والسؤال هل يريد الكاتب بافادته عن مكونات  “الدعم السريع” العابرة للحدود ان نقوم يالغاء الحدود؟ فان اراد ذلك لاتسع فتق السودان على الراتق فنحن حتى الان فشلنا في دمج مكونات السودان الاثنية واكبر مثال انفصال جنوبنا الحبيب..ولعل انفصال الجنوب هذا قد نبهنا الى تعددنا الاثني والعقدي والثقافي واللغوي وهو عنصر قوة لا ضعف ان احسنا السير في اتجاه تجانسه لا تشاكسه..ونتمنى ان يعود جنوبنا الحبيب ولو كونفدراليا فان عوامل التقارب اكتر من عوامل المفارقة!!..
eisay1947@gmail.com