خالد تليمة: فرحان بكلام الاعلامى السعودى عن حالة كرة القدم في مصر
خالد تليمة: فرحان بكلام الاعلامى السعودى عن حالة كرة القدم في مصر
اثار تصريح إعلامى سعودى عن الكرة في مصر قائلا إن الديربي بين الأهلي والزمالك لايشغل سوى مصر فكيف تكون مباراة بدون جمهور.
وكان هناك هجوم من البعض واتفاق من البعض الأخر، حيث قال خالد تليمة نائب وزير الشباب الأسبق، أن هذا التصريح يحث المسئولين عن المرة في مصر للتركيز وعودة السيطرة مرة أخرى.
وكتب” انا فرحان ان الاعلامي السعودي ده قال الكلمتين دول يمكن يخلونا نتنحرر شوية ونبص على حال الكورة في مصر..
العشر سنين الأخيرة واستبعاد الجمهور من المدرجات ومطاردتهم والفصال في عدد الجمهور اللي هيحضر الماتشات من ٢٠٠ مشجع لكام ألف مشجع كفيل انه يرجع الكورة في مصر عشرات السنين لورا.. الصرف بالملايين على استوديهات مبهرجة ومحللين زيرو تعليم وزيرو حضور ،باستثناء كام واحد شاطرين ومذاكرين، مقابل نقل تليفزيوني فقير في الصورة وملاعب شبه ملاعب الكورة من ١٠٠ سنة كلها مش هتعمل دوري كويس.. أنا آسف بس أمننة الكورة وادارتها عن طريق الظباط لا يمكن تخلق دوري محترم .. بس كل ده لا ينفي إننا في وضعنا ده الأهلي رزع الهلال أربعة صايمة والزمالك اتعادل مع النصر بكل الملايين اللي صرفها دي.. الكورة في مصر فيها بوتنشال ان ديربي المحلة يبقى أهم من أهم ماتش في السعودية.. أهم من اننا نقولهم احنا اعظم منكوا واجمد منكوا اننا نشوف حالنا وصل لهنا ازاي ونعيد تفكير في وضعنا..
