تحدث دينو لامبرتي وكيل مارسيل كولر المدير الفني للأهلي عن العديد من الأمور وأكد تجديد تعاقد السويسري مع الأهلي لثلاثة سنوات مقبلة.
وظهر لامبرتي عبر شاشة أون تايم سبورتس مع الإعلامي أحمد شوبير وأكد :"كولر مدرب يشتغل كتير أوي أوي بيعدي 18-19 ساعة يوميا، ممكن أدي حضرتك مثلا الفريق محتاج مهاجم هو لغاية دلوقتي اتفرج فوق الـ 50 مهاجم بيتفرج بشكل دقيق جدا، هو عايز يجيب لاعب أحسن من اللي موجود دي أهم حاجة عنده، وهو بيفكر النادي الأهلي زي ما يكون مؤسسته".
ووجه شوبير سؤالا لوكيل كولر "هل إدارة النادي الأهلي تأخرت في عرض لاعبين على مارسيل كولر أو له مواصفات معينة وقراره هو النهائي؟".
وأوضح وكيل كولر: "كولر مش عنيد ومش متمسك بلاعب بالاسم خالص هو بيدور على لاعب يكون مناسب للفريق ويكون عنده كواليتي مش موجودة في اللعيبة هنا وبالتالي الموضوع مبقاش سهل جدا، ما ننساش إن النادي عنده ميزانية، عنده سقف للميزانية، وبالتالي بيبقى صعب جدا في الميزانية دي تلاقي اللاعب "الكواليتي" اللي كولر عاوزه".