أبدى أحمد شوبير الإعلامي بقنوات أون تايم سبورتس، اعتراضه على قرار السويسري مارسيل كولر المدير الفني للفريق الأول لكرة القدم بالنادي الأهلي عقب مباراة الجونة في الدوري.
وكان النادي الأهلي قد تعادل مع الجونة بهدف لكل فريق في المباراة المؤجلة التي جمعت بينهما ضمن منافسات بطولة الدوري الممتاز، والتي أقيمت مساء يوم السبت الماضي.
وقال شوبير خلال حديثه عبر إذاعة أون سبورت: "بالتأكيد في مشكلة في النادي الأهلي مشكلة جماهيرية ومشكلة جوا كانت الناس كلها بتقول المهاجم جه المهاجم بفلوس كتير جدا.. ظهر بشكل كويس في مباراة الجونة عن المباريات السابقة، لكن لسة قدامه كتير".
وأضاف: "السؤال هنا أنت اديت اجازة أسبوع عندي اعتراض على أسبوع الإجازة كتير أسبوع كتير الأهلي هيرجع على يوم 19 أو 20 عنده مباراة يوم 25 أنا بستغرب من كم الاجازات كنا بناخد الاجازة من السنة للسنة أسبوع أنا مش بفهم في موضوع الأحمال لكن هل المنطقي أنك ترجع قبل المباراة بـ 6 أيام بس وقبلها أسبوع".
وأكمل: "الناس اللي مش جاهزة بتسفرلها ليه؟ زي موديست ياخد يومين اجازة ويقعد يشتغل.. كريم نيدفيد ظهر أنه مش جاهز يشتغل.. كريستو يشتغل الاجازة تبقى 3 أيام لناس وأسبوع لناس".
واختتم شوبير حديثه: "الناس اللي مش جاهزة جهزها شغلها دايما بقول الاجازات الكتير مش صح".
