محمد فارس لصلاح محسن: العقلية هى العامل الأكبر في نجاح النجوم
محمد فارس لصلاح محسن: العقلية هى العامل الأكبر في نجاح النجوم
بعد أن تم الإعلان عن القائمة النهائية لفريق الأهلي لكأس العالم للأندية ، وخلالها تم استبعاد بعض اللاعبين الذين غضبوا لذلك ومن هؤلاء اللاعب صلاح محسن الذى كان قاب قوسين من الانضمام للقائمة.
ووجه الإعلامي الرياضي محمد فارس كلمة لنجم الأهلي ، عندما وجه إشارة بالسكوت بعد هدف أحرزه وأثارت الجماهير ولم يعلم أحد من المقصود بذلك، قال فارس” وقت إشارة صلاح محسن انا كانت فكرتي اكبر من الطرح بتاع هي للجمهور ولا لا . انما كنت بتكلم عن فكرة العقلية . ايه اللي يوصلني اني ابقى قادر ارد على المنتقدين بإشارة بتطالب بسكوتهم . هل لما اجيب جول شبه مضمون في فريق متواضع وانا طول الوقت لاعب بديل او خارج القائمة رغم ان في نقص في مركزي ! . ولا لما ابقى بلعب اساسي وهداف فريقي محليا وافريقيا وبنضم للمنتخب ؟ . وقتها اصلا لو انت محقق ده مش هتحتاج تشاور لحد يسكت لان اصلا انت هتكون رديت في الملعب. طيب بعد الاشارة دي هل صلاح رد فعلا ؟ . الاجابة لا لانه لعب مباراة بعدها اساسي وقدم مستوى متواضع ثم تحول لبديل تاني لدرجة ان طاهر لعب مهاجم في وجوده ثم استبعاد من قائمة كأس العالم .
هنا في درس مش لصلاح محسن لا ده لكتير جدا من اللاعبين . العقلية هي العامل الأكبر في نجاحك هي اللي بتتحكم في مصير الموهبة. تعريفك لمفهوم النجاح والانجاز هو اللي بيحدد مستوى طموحك. العرق والتعب والمجهود والاستمرارية وكتابة التاريخ بالارقام والبطولات هو ده بس اللي بيصنع مسيرة ناجحة اي حاجة تانية لا.
