مارسيل كولر: حزين بسبب هذه النتيجة..وهتكلم مع لاعبي الأهلي ولازم نرجعلهم الثقة
مارسيل كولر: حزين بسبب هذه النتيجة..وهتكلم مع لاعبي الأهلي ولازم نرجعلهم الثقة
أكد مارسيل كولر المدير الفني للأهلي ،على حزنه الشديد بسبب نتيجة الأهلي وشباب بلوزداد الجزائري في دوري أبطال أفريقيا، وقال “كنا المفروض نكسب المباراة بحسب سير احداثها، ضيعنا فرص كثيرة، وهذه هي المشكلة الآزلية.. أجلس خارج الملعب بـ”هز دماغي” بسبب كمية الفرص اللي بتضيع من اللاعبين، كور في العارضة وانفرادات.. الاهداف الضائعة اكبر عدو لينا.
انا هاتكلم مع لاعبي الاهلي ولازم نرجع لهم الثقة لان بعضهم فاقد للثقة ودا واضح في إضاعة الفرص أمام المرمى بالشكل الغريب اللي بيحصل معانا.
واضاف كولر ،في فرق كبير بين استاد القاهرة وباقي ملاعب مصر، ملعب برج العرب ميفرقش كتير عن باقي الملاعب اللي لعبنا عليها، استاد القاهرة هو الملعب الوحيد الذي يصلح للعب كرة القدم في مصر، أرضية ملعب برج العرب كانت (بحر).. واحنا محتاجين نرجع استاد القاهرة بسرعة، لأن هو الملعب الوحيد اللي بنقدر نلعب عليه كورة على الارض بشكل كويس
خلق الفرص عن طريق الاجنحة عنصر نجاح بالنسبة لنا، لكن في نقطة مهمة ان الناس مش معانا في التمرين، الجمهور بيتكلم على لاعبين ومش شايف حالتهم في التمرين، كريستو مثلا مصاب من فترة طويلة ولم يتدرب سوى مرتين قبل الماتش، ومستحيل يلعب النهاردة.
وعن عدم تواجد اللاعب أحمد عبدالقادر في قائمة كأس العالم للأندية ، قال عبد القادر كل يوم موجود معايا في التمرين .. وفي النهاية بختار اللاعب اللي يكسبني، ومش هاضحي باي لاعب هيكسبني.. واللاعب اللي هيساعدني ويكسبني هاختارهوفي يوم من الايام ممكن تشوفوا التمرين ويكون رأيكم زي رأيي.