إبراهيم فايق: الأهلي بيدور على حارس وعنده مصطفى شوبير محتاج للثقة فقط
إبراهيم فايق: الأهلي بيدور على حارس وعنده مصطفى شوبير محتاج للثقة فقط
بعد إصابة محمد الشناوي حارس مرمى المنتخب والأهلي في مباراة مصر والرأس الأخضر ،والذى يبتعد عن الملاعب لمدة من ٤ ل٦ شهور ، ولذلك يبحث الأهلي عن حارس بديل بالرغم من وجود الحارس مصطفى شوبير.
وقال الإعلامى الرياضي إبراهيم فايق ، لابد من إعطاء الثقة لشوبير.
وكتب “الأهلي بيدور على حارس كإعارة تعويضا لغياب الشناوي.. وبياخد خطوات في كذا اتجاه في الوقت اللي تم اختبار مصطفى شوبير في اكتر مناسبة مرعبة وهي نهائي إفريقيا والراجل قالك إنه رجله ع الأرض.. مصطفى مبقاش حارس صغير هو حارس محتاج تثق فيه وتديله عدد ساعات مشاركة.
حراس المرمى عموما في العالم بتصنعهم الفرصة وظروف اللعب.. فعادي جدا تلاقي حارس يتحرك من حارس تاني لأول لظروف اللعب.. الأهلي عنده مصطفى شوبير وحمزة علاء والاتنين ما شاء الله كويسين جدا.. الثقة هي اللي هتصنع لك صمام أمان جديد وتخليك في المواقف دي مش قلقان.. وبأمانة إن مكانش مصطفى شوبير هياخد فرصة دلوقتي وفي ضهره حمزة علاء الرجاله دي هتشتغل امتى؟!
وإن كان لا محال الأهلي هيجيب حارس خبرة فلازم يستغل الفرصة ويدي أولوية لمصطفى شوبير ومن بعده حمزة علاء.