رفض السويسري مارسيل كولر، المدير الفني للنادي الأهلي الرد على سؤال لأحد الصحفيين عن الحارس رقم واحد في الفريق، بعد الأداء الجيد لـ مصطفى شوبير في الفترة الأخيرة.
فاز الفريق الأول لكرة القدم بالنادي الأهلي على يانج أفريكانز التنزاني بهدف نظيف، في المباراة التي جمعتهما منذ قليل على ستاد القاهرة الدولي، ضمن إطار مباريات الجولة السادسة والأخيرة من دور المجموعات لدوري أبطال أفريقيا.
وأنهى الأهلي مشواره في المجموعات في صدارة المجموعة الرابعة برصيد 12 نقطة، بفارق 4 نقاط عن يانج أفريكانز "8 نقاط"؛ ليتأهل الثنائي للدور ربع النهائي لدوري الأبطال.
وقال كولر في المؤتمر الصحفي: "السؤال ده بدري جدا لسه بدري قوي على الكلام ده.. الشناوي بدأ لسه يجري دلوقتي لسة كتفه ما بيتحركش.. الإصابة دي لسة قدامه وقت فاعتقد أن السؤال ده بدري قوي."
وأضاف: "مصطفى شوبير عامل ماتشات كويسة جدا عاملين احساس كويس وكل حاجة لكن ما ننساش شناوي مش بس لعيب كبير وتاريخ كبير ونمرة واحد في مصر كلها ويمكن في إفريقيا لكن كمان كابتن الفرقة ودوره كبير جدا برا الملعب وجوا الملعب وليه تاريخ كبير في النادي وحقق حاجات كتير جدا مع النادي."
وأتم: "فالقرار ده مش قرار سهل ومش هيتاخد دلوقتي خالص.. وإن شاء الله الشناوي يرجع ويرجع لمستواه.. نبقى نفكر مين اللي هيبقى نمرة واحد ساعتها."
