قالت الكاتبة الصحفية علا الشافعي، رئيس تحرير اليوم السابع خلال استضافتها ببرنامج "كلم ربنا.. مع أحمد الخطيب" على الراديو 90.90، " أبويا الله يرحمه كان عنده مشروع جنب شغله مع واحد صديقه وكان يقوللى اليوم اللى بتيجي معايا فيه بفتح الدرج ألاقي فلوس".
وأضافت علا الشافعي خلال البرنامج "أبويا كان بيشوفني دايما وش الخير .. لكني بكل صراحة أنا لا أُقدّر نفسي حق تقديرها.. دايما الآخرين بيشوفوني كويس لكن أنا بشوف نفسي كائن ضعيف جدا".
وأوضحت علا الشافعي خلال البرنامج أنها شديدة الحب لآل البيت وأولياء الله الصالحين، وقالت: "لما بكلم ربنا في أي أزمة كنت حريصة على أني أزور أحبابه، سيدنا الحسين والسيدة زينب والسيدة نفيسة، أصلّى ركعتين بحب وأدعي من قلبي في مقامات الصالحين وأبكي بكاء شديدًا بشكل لا إرادي.. ودي عادتي لما أدخل أي مقام لآل البيت أو الصالحين إحساسي بحالة المقام وبقرب صاحبه من ربنا كان بيأثر فيا جدًا".
