كاملة أبو ذكرى معلقة على تصريحات يوسف الشريف: "دعاية مبتذلة"
كاملة أبو ذكرى معلقة على تصريحات يوسف الشريف: "دعاية مبتذلة"
علقت المخرجة كاملة أبو ذكرى، على التصريحات المثيرة للجدل التي ذكرها الفنان يوسف الشريف في لقائه الأخير، حول رفض تقديم المشاهد الساخنة في الأعمال الفنية.
كتبت "أبو ذكرى" عبر حسابها بموقع "فيسبوك": "لما يبقى في مشهد لحبيب بيحاول ينقذ حبيبته، والمخرج يقوله هتمسكها وتشدها علشان تبعدها عن طلقة الرصاص، يقوم النجم الفاضل يرفض إنه يمسكها، علشان هو ما بيلمسش الستات.. هي دي بقى المشاهد الساخنة اللي حضرتك بتتكلم عنها؟؟".
تابعت: "ولما النجم يدعو الناس للصلاة وترك مشاهدة مسلسله أثناء موسم عرضه.. ده اسمه دين جديد ولا إيه؟؟ بالنسبه ليا ده اسمه نوع من أنواع الدعاية المبتذلة واستغلال أطهر شيء في الوجود لأغراض النجومية وزيادة عدد المشاهدات.. عايز ترضي ربنا في شغلك اختار مواضيع تنور عقل المشاهد أو تشرح قلبه".
واختتمت منشورها قائلة: "تبقى عايز ترضي ضميرك وتقول في شغلك كلمة حق يمكن تبقي سبب إن ناسك يعيشوا أحسن.. والمجاهرة بالصلاة واستغلالها ده محرم في دينك".
وكان يوسف الشريف قد صرح مؤخرا مع الإعلامي رامي رضوان على شاشة "DMC"، قائلًا: "في قيود أنا بحطها لنفسي زيادة عن أي حد تاني.. أنا مبستريحش لو بقى فيه مشاهد ساخنة أو فيها قبلات.. دي قاعدة بطبقها على نفسي بس".
وأضاف: "أنا لا أزايد على زملائي أو إني أحسن منهم، بالعكس كلهم ليهم الاحترام ومنهم من يقدمون أعمالا محترمة دون أن يتعمدوا هذه الطريقة.. عشان بس الكلام ميتفهمش إني بزايد عليهم أو بقول إني أحسن منهم.. خالص".
