فيديو.. هاني شنودة يروي كواليس اكتشافه لعمرو دياب
فيديو.. هاني شنودة يروي كواليس اكتشافه لعمرو دياب
روى الموسيقار هاني شنودة، كواليس اكتشافه للمطرب عمرو دياب، موضحا :"لقيت في عيون عمرو الإصرار" . وأضاف " شنودة " خلال لقائه ببرنامج " صباح الخير يامصر" المذاع عبر فضائية " القناة الأولى"، اليوم الجمعة، أنه كان متواجد بمحافظة بورسعيد في أحد الأيام لإحياء حفب وعقب الانتهاء منه توجه إلى الفندق ليتفاجئ بشخص يطرق الباب عليه يطلب منه المساعدة في الغناء، قائلا :" لقيت عمرو بيخبط عليا وهو صغير بيقولي أنا مستنيك علشان عاوز أبقى مطرب". وواصل شنودة :" دخلت عمرو الأوضة وقلت له غني لي حاجة .. قلت بعدها له أذنك كويسة وصوتك كويس والعرب عندك كويسة بس عندك مشكلتين هم إن لهجتك بورسعيدي والمشكلة الثانية إنك ساكن بعيد عن القاهرة وده هيتسبب إن في بعد في التواصل". واستطرد شنودة: " عمرو مشي من عندي وتوقعت إني مش هشوفه ثاني ولكن حصل العكس لقيته جاي الأوتوبيس اللي احنا هنرجع به من بورسعيد وبيقول لي عاوز أجي معاكم ومن هنا بدأ المشوار ولقيت الإصرار على النجاح في عيون عمرو"، ناصحا الجميع :" " اللي عايز يشتغل في الفن يبع كل حاجة واعمل الجديد الناس اللي عندي اتدربوا على الشيخ النقشبندي والطبلاوي ومصطفى إسماعيل ". شاهد الفيديو ..
