نجوى المالحي-كود//
جوقة التمثيل البيضاوي لي فيها كَروب “كباري الشيخات” خرجو فيديو كليب ديال الأغنية المغربية “ديرني هلال” المشهورة.
الأغنية جمعو فيها اللقطات لي سبق وغناوها في الحفلات ديالهم مع تصوير لقطات جديدة بصورة أوضح وأكثر فنية وإبداع.
الفن لي كيقدموه الكروب، مازال فئة من الناس والجمهور كيعتابروه مثير لأن الممثلين الموسيقيين كيلبسو القفاطن والبيروك، وكيتحداو كل ماهو جندري، وهادي للعيالات وهادي للرجال.
كباري الشيخات كيقدمو راسهم كمقلدين فقط، وكيجبدو الأغاني من الأرشيف ديال العيطة والشعبي، وهدفهم هو يغيرو المجتمع ويطوروه من خلال الفن.
