نجوى المالحي –كود //
بفيديو مخدوم مزيان ومترجم للعربية، رحب النادي الإيطالي، أنتر ميلان، باللاعب المغربي، أشرف حكيمي، لي انتقل لصفوف الفريق هادي 3 أشهر من دورتموند.
الفيديو نشرو الفريق على حسابو في أنستكَرام، وتصور في مناطق مختلفة من المغرب، بين المدينة والصحرا، وبين بزاف ديال التفاصيل من التراث المغربي.
أشرف حكيمي قدم راسو كلاعب مغربي إسباني، وهضر على الجذور ديالو المغربية، وفي نفس الوقت حافظ على الهوية ديالو المزدوجة، والتحف بالعلم المغربي في أول الفيديو وآخره.
أشرف شراتو انتر ميلان في صفقة كبيرة في يونيو لي فات، ومن المتوقع يبقى معاهم حتى لـ2025، بعقد احتكار قيمتو 40 مليون أورو وراتب شهري ديال 5 مليون أورو في العام لحكيمي.
View this post on Instagram#WELCOMEHAKIMI ????????⚫️???? El jugador. El hombre. El chaval. @achrafhakimi #Inter #ForzaInter #Hakimi #NotForEveryone #Football
