نجوى المالحي-كود//
واش اي واحد عندو المتتبعين ينوض يستغل الشهرة ديالو ويغني، واخا صوتو لا علاقة بالغناء ولا حتى الفن..
رضا الوهابي، لي شارك في برنامج “سديم”، نشر أغنية على قناتو في يوتوب لا لحن لا غناء لا موهبة لا فيديو كليب لا صوت، والمشكل أنها متوصل لعدد ديال المشاهدات كبير، وشادة الطوندونس في المغرب.
رضا الوهابي لي متبعينو الملايين على حسابو في انستكَرام وحتى في قناتو على يوتوب، استغل هادشي وضحك على المتتبعين ديالو بأغنية أقل ما يمكن الواحد يقول عليها أنها تخربيقة.
الصراحة كن رضا الوهابي خلا راسو غير في المقالب لي حتى هي كيدخل منها فليسات، ماشي بالضرورة يمشي لدومين مامعطيهش فيه.
