كود هناء ابو علي ////
علمت “كود” الوكيل العام استامع لجوجت محامين فقضية عصابة الصحافيين السينمانا اللي كنودعوها اليوم. وفق مصدر “كود” فان الوكيل العام استامع لبنسلطانة ولفراوسي. هاد القضية بدات بعد ما دار ملياردير عا تا بان اسمو احمد الطرمباطي بشكاية ضد حاتم حجي مول “لونكيط” ومحمد القاسمي مول “علاش تيفي” ومصور صحافي ثالث٬ اتهمهم بابتزازو. تشدو وتشد معاهم عميد شرطة فوجه اخر للابتزاز وقدمو رجال اعمال شكايات بيهم.
فهاد القضية تورطو محامين وقضاة.
فهاد السياق استامع الوكيل العام للمحامين اللي بانت اسماءهم فمحاضر الاستماع للمتهمين وللشهود واللي نصب الفخ =الطرمباطي=. هاد الشي اللي دارو فيه شكوك كبيرة حقاش كلشي يبغي الاصلاح فالبلاد الا امثال هاد الطرمباطي. تاريخو يشهد فقضايا الفساد اللي عندو علاقة بيها
دابا اللي ما واضحش علاش الوكيل العام ما استامعش لمحامي الطرمباطي. هاد المحامي كان وجد صفقة باش يحل مشكلتو مع رجل الاعمال ومالك “بروديك” سابقا قبل ما يشريها فظروف غريبة هاد الطرمباطي. القضية مازال بيد القضاء.
يعني المحامي قبل بالصفقة ووجدها. على الاقل كان خاص الوكيل العام يستامع ليه حتى هو.
