افتتح الرئيس عبدالفتاح السيسي اليوم من محافظة قنا سلسلة من المشروعات القومية الجديدة بمختلف القطاعات بصعيد مصر
كما تفقد الرئيس السيسي عددا من المشروعات القومية الجديدة بصعيد مصر كما استمع الرئيس السيسي لعروض وشروح تفصيلة عن العديد من تلك المشروعات.
وقال السفير بسام راضي المتحدث الرسمي باسم رئاسة الجمهورية إن افتتاحات المشروعات القومية اليوم تأتي ضمن فاعليات "أسبوع الصعيد" في إطار جهود الدولة لتحقيق نهضة تنموية وخدمية متكاملة لأهل الصعيد، وتوفير فرص عمل مباشرة وغير مباشرة، حيث تتضمن الافتتاحات عددا من المجمعات الصناعية والمحاور والطرق لا سيما المحاور العرضية على نهر النيل
وقال الرئيس عبد الفتاح : دفعنا 6 مليارات جنيه لترفيق 20 منطقة صناعية في الصعيد.. وكنا قولنا الترفيق وطرح أراضى للناس هيطول عن المسار المطلوب.. والمسار البديل نعمل المجمعات الصناعية
وأضاف : أصل الموضوع مش إنشاءات بس.. وانا عاوز اطمن أن المنشأة اللى اتعملت وطرحنا أفكار للعمل وتجهيزها وفق كل محافظة.. وتجهيز العاملين وفق تدريب فنى متقدم.. وتيسير الحركة.. ليه ادفع 6 مليارات.. لما اعمل بيهم 5 مجمعات أخرى جديدة وابقى مطمن.. مشوار طويل انى أدى أرض لحد".
وقال الرئيس السيسي: "حتى اللى بتتكلموا عليه والناس اللى بدأت فيه.. ان مكنش نقيم المسار اللى عملناه ونشوف.. وعلشان كده هطلب منك أكثر من كده.. مش هقول للمواطن اجرى خلص ورقك.. انا عاوز أكون موجود معه.. لانى الحركة تبدأ ياخد وقت.. عقبال لما يشتغل ويطلع انتاج.. ومش بس كده هو فيه إجراءات بيروقراطية بيعملها المواطن..قولنا ادوا للمواطن الحاجة خالصة.. هو عاوز يشتغل في ايه والترخيص في ايه.. بقولوا تعالى الحاجة بتاعتك ايه وتمويل منخفض التكلفة من البنك.. وهنقدر نساعدك إزاى في تسويق المنتجات".
وتابع الرئيس السيسى: "لو مش عملنا مش هنقدر نحقق النتائج اللى عاوزنها.. هنفترض انه عارف بس انا هبقى عارف اكثر منه.. سواء حجم المشروعات اللى بتعمل".
كما وجه الرئيس السيسي، بتقنين أوضاع المصانع الغير مرخصة، قائلا : " الهدف اشرعنه واقنن وضعه".
كما قال الرئيس السيسى، عن إنشاء 3 مدن صناعية جديدة وهى مدينة الروبيكى ومدينة الأثاث ومدينة النسيج، "بتكلم عن حاجة حاجة فيهم.. أن المسار اللى هو لو اتعمل بشكل نظرى لما ننفذه على الأرض ياخد وقت كتير.. لو اقتحمنا كل مرحلة من المراحل دى.. هنطمن أن المستهدف يمكن تحقيقه".
وأضاف الرئيس السيسى: "الروبيكى فكرة موجودة من عام 2004.. في 2004 كانت فكرة صح وتحدد المكان وكان صح وكل حاجة لكن امتى المدنية تدخل الإنتاج الحقيقى.. من سنتين بس.. بقول الكلام ده.. ما هو كنا موجودين.. لما جينا ندخل في الموضوع لو عملت الموضوع ده هو خاف وقتها.. واللى اتعمل هيشتغل ويدخل في الاقتصاد ونستفيد به.. وعلشان كده معانا 825 ألف مشروع المفروض بواحد يعنى نستفيد بـ 825 ألف أسرة".
وقال الرئيس السيسي: "معندناش مشكلة إن إحنا نعمل والناس تشتغل، التفريق مشكلة عندى، ومحبش أفرق فلوس على الناس ده كلام مش مظبوط..عاوزه يكبر ويثق في نفسه ويكون عنصر داعم للاقتصاد المصرى.
وأضاف الرئيس السيسي:"مش عاوز أديله السمكة عاوزه يصطاد".
كما وجه الرئيس السيسي بمساعدة النماذج الناجحة وغير الناجحة، قائلا:"اللى ينجح أكتر نساعده أكتر.. واللى مينجحش نساعده أيضا".
وقال الرئيس السيسي: "لسه المشوار مخلص، التطوير والتحديث مبينتهيش.. فيه الدعم الفني بمدارس ومكاتب استشارية، وموظف من التجارة بالتنسيق مع المحافظة للمجمعات، والمحافظ يقدر ينظم عملية النقل علشان الناس اللى بتفتح تجد وسيلة انتقال كويسة".
وأكد الرئيس السيسى، أن الدولة تنفذ نموذجا جيدا خلال العمل في مجال الصناعة، الروبيكى نموذج قابل للنجاح في ظل التطور الكبير الذى يشهده العالم، قائلا: "بقول الكلام ده للناس اللى شغالة في الصناعة.. لازم نعمل حاجة قابلة للنجاح.. التطور مش في مصر بس.. ده في الدنيا كلها.. حد هيجى يقولك الاشتراطات البيئية انت عامل فيها ايه.. فيه كلام كتير".
وأضاف الرئيس السيسى: "ممكن البضائع كويسة ويصعب إنفاذها في الأسواق الخارجية.. تجربة الروبيكى مش نجحت إلا لما الدولة تدخلت.. الروبيكى تجربة نجحت لما الدولة دخلت.. وجاء المهندس طارق قابيل وزير الصناعة وقتها- قالى مش قادرين ننقل الناس.. انقل الناس على حسابنا.. قولتله ننقلهم على حسابنا .. قولتله ماشى.. ودفعنا 100 مليون جنيه على حسابنا.. حد تانى يقول لا انتم بتدلعوا".
وقال الرئيس السيسى: "بنديله المكان اللى قاعد فيه وكل حاجة.. بناخد الناس على قد تجربتهم.. انا شايف الصح وصاحب المصلحة أن البلد تطلع قدام.. والناس تغنى ويبقى عندها طاقات وعمر الصناعات البسيطة ما تعمل غنى".
كما طالب الرئيس السيسي بالاهتمام بالصناعات التكنولوجية المتقدمة، قائلا: "الناس اللى بتشتغل في التكنولوجيات المتقدمة.. اليوم بتاعه بـ 10 آلاف و20 ألف جنيه كمان.. اليوم مش الشهر.. مش الاشغال البسيطة".
وأضاف الرئيس السيسى: "طب نخلص الاشغال البسيطة الأول".. مشددا على أن المجمعات الصناعية الجديدة يجب أن تكون جاهزة بشكل كامل من ناحية توفير الكهرباء والمياه والغاز".
وقال الرئيس السيسي: "العدادات تكون راكبة موجودة.. علشان اللى يدخل المجمعات دى مش يعمل حاجة تانية.. وحتى المساكن اللى بنعملها لازم يكون فيها كهرباء وغاز ومياه.. وتحركنا كده ولما شوفنا النجاح في الروبيكى.. قولنا نكمل ونعمل منشأت تانية".
وقال الرئيس السيسي، إننا نستهدف تحقيق الاكتفاء الذاتي للسوق المحلى،: "لما ألبس قميص من مصر وكل المستلزمات الأخرى بكده بمستوى بره يبقا كده وفرت فرص عمل وعُملة صعبة وزودت الناتج المحلى".
وأضاف الرئيس السيسي: "نرجع لتجربة تانية بتاع مدينة الأثاث عملنا نفس الكلام، لكن تحرك الناس من دمياط لمدينة الأثاث مكنش بالسرعة اللى إحنا عاوزينها، فيه حاجة عندنا المفروض كنا وفرلنالهم منشآت ومستلزمات الخشب، لما متعملتش الراجل في المدينة بيجيب الحاجة على رجله هناك هيركب مواصلة.. صرفنا مليارات ومُصرين على النجاح مش علشان ننجح فكرتنا.. المنتج المحلي منتج كويس، وقد يكون قوى، لكن تحتاج المنافسة بيه داخل وخارج مصر.
وقال الرئيس: "لو مكونتش يا مصنع تطور، وهنساعدك ولو محتاجين تجيبله ناس من بره تطور الأذواق مستعدين..اوعوا تفتكروا وإحنا بنعمل منطقة صناعية مستنيين حاجة، الـ 10 مليار لو موجودين في البنك هايجيب مليار جنيه.. تفتكروا إيجارات المجمعات هيجيب كده".
كما تحدث الرئيس السيسي، عن أهمية مشروع مثل مشروع مدينة الروبيكى، قائلا: "عندنا 825 ألف مشروع في الروبيكى.. لو المشروع بواحد على الأقل.. يعنى 825 ألف أسرة فى 16 مليار جنيه.. يعنى تقريبا 20 ألف.. هنحط 40 ألف جنيه في مليون.. يعنى 40 مليار دلوقتى".
وأضاف الرئيس السيسي : "الهدف إيه.. كتير مننا نلاقى بنعمل تجمعات جنب محطات الوقود.. وكتير يقولك ده كتير ده ومش بيجب فلوس.. وأنا أقول اعمل ده.. ويقولى ده مش بيجب فلوس.. أقوله فيه ناس بتشتغل يقولى اه.. خلاص ده الفلوس.. أن الراجل ده يشتغل ويرجع بيته ويكون فيه فلوس.. إذا كانا بنتلكم عن فقر وبطالة.. الحل إننا نشتغل كويس".
كما أكد الرئيس السيسي أن الناس اللى شغالة مع الدولة ناس جدعان أوي..مشيرا إلى الأتفاق على عمل عدد من الكباري بمحافظات الصعيد مع دفع نسبة 25% من التكلفة لحين الإنتهاء من تلك المشروعات.
كما وجه الرئيس السيسي القوات المسلحة ووزارة الداخلية بمنع الإنشاء والبناء على أجناب المحاور الجديدة بالصعيد.
كما وجه الرئيس السيسي بعمل مناطق تنموية على طول المحاور والطرق الجديدة ومنها محطات التموين وتقديم الخدمات مشيرا إلى أن ..المليارات زى الكوتشينة
كما طالب الرئيس السيسي القطاع الخاص بالمشاركة في جميع مشروعات الدولة المصرية
كما شدد الرئيس السيسي عن عدم منح هدايا لأحد وذلك ردا على طلب أحد الحضور خلال افتتاحات اليوم بمحافظة قنا قائلا: أنا أعمل الشغل ..أنا بهاديش حد..وما بديش حد فلوس
وأضاف الرئيس السيسى: "أنا اسف أقول كده.. بخاف الناس تتعدى وتنبى على المحاور دى.. ادرسوا الموضوع ده.. كل المحاور الجديدة الحفاظ عليها البناء.. نمنع الإنشاء على جانب هذه المحاور بعمق كيلو.. اللى بانى خالص.. الوضوع القائم مش يتغير.. المسئول عن ده القوات المسلحة ووزارة الداخلية".
كما شدد الرئيس السيسي، على ضرورة دعم القطاع الخاص للمشروعات التي يتم تنفيذها داخل الدولة المصرية، متابعا: "محتاجين دعم القطاع الخاص.. زى ما قولت تانى مرة وتالت ورابع.. من فضلكم خشوا معانا.. والشركات اللى شغالة في كل المشروعات التانية.. مش عاوز أقول كلمة تكون مش لطيفة يعنى .. هتبقى مش لطيفة لو قولت الجيوب اتملت.. هتبقى كلمة مش لطيفة.. الحاج سعيد والمهندس هانى.. الجيوب مش اتملت يعنى".
وأضاف الرئيس السيسى: "متشكرين.. شكرا جزيلا"، مداعبا الشركات المسئولة عن تنفيذ محورين جديدين بالصعيد: "اومال عاوز تاخد 25 % منى ليه؟!".
وقال الرئيس السيسي، إن الهدف من إنشاء مناطق خدمات "تنموية"، على الطرق هو تحقيق السيطرة الأمنية، متابعا: "كل 20-25 كليو يكون فيه منطقة.. وده اللى بقوله على طريق زى كده.. كل 25-30 محطة خدمة "منطقة تنموية".. في بعضها مش هيكون اقتصادى.. تكلفة الإنشاء قليلة.. لو حد عاوز يعملها لوحده.. هتكلف تلت أو نص الثمن.. ده هيعوض ده.. وده مش حكر على حد".
وأضاف الرئيس السيسى : "بقول لازم الصناعات المرتبطة للشركات اللى شغالة معانا تتطور.. بقول وقولت الكلام .. الناس في مشروعات إنشاءات وبنية أساسية.. المحفظة بتاعتك نوعها.. نوعها مثل الحواجز والفواصل الخاصة بالكبارى.. القائم ايه والموجود بالفعل ايه وعندنا فرصة قد ايه وده ممكن من خلال وزارة الصناعة.. الإنشاءات مستمرة.. ودايما امداد للمشروعات.. تنوع العمل اللى بيتعمل".
كما أكد الرئيس السيسى، أن الفريق كامل الوزير تحدث عن مشروعات وزارة النقل ولم يتكلم عن كافة المشروعات الخاصة في القطاعات الأخرى سواء هيئة المجتمعات العمرانية أو الهيئة الهندسية في أماكن أخرى، متابعا: "بقول للى بنتكلم فيه في الصعيد بس.. 1.6 تريليون جنيه للنقل بس.. أبو قير فيه أرصفة جديدة حوالى 6-7 كيلو بعمق 22 مترا على سبيل المقال.. مشروعات وزارة النقل حجمها كبير".
وأضاف الرئيس السيسي: "حجم أخر لم يذكر هنا.. ومش هقول المفروض أنه يقولهم.. بقول حجم العمل اللى بيتم في مصر في كافة القطاعات.. 1.6 تريليون.. 1600 مليار.. في كل القطاعات.. الدكتور مصطفى مدبولى بيقولى 6.2 تريليون جنيه.. 6 آلاف مليار و200 مليون ولسه شغالين".
وقال الرئيس السيسى: "الحاجة الأخيرة.. المحافظين على القطاعات دى وعلى أجانب الطرق خاصة في المحاور الجديدة.. انتبه لعدم التعدى.. الحركة بقت سهلة.. يقولك ابنى جنب الطريق الجديد.. وانا جاى بالطائرة.. شايف الطرق الصحراوية شرق وغرب فاضية.. نبنى عليها وتتحرك 2 كيلو لأرضك الزراعية.. وبوجه كل الشكر لكل ساهم في المشروعات.. نتحرك بقوة في كافة المجالات".
