طرحت عبير أحمد، مؤسس إتحاد أمهات مصر للنهوض بالتعليم، وائتلاف أولياء أمور المدارس الخاصة، موضوع هام في ظل الإعتماد بشكل كبير على نظام الأون لاين والتعليم عن بعد في العملية التعليمية، وهو ملف الصفحات والجروبات الرسمية للمدارس.
وناشدت عبير المدارس بضرورة الإهتمام بصفحاتها الرسمية سواء في الفيسبوك أو الواتس آب، والتفاعل عليها والرد علي استفسارات أولياء الأمور، ونشر محتويات تعليمية مفيده للطلاب، للإستفادة من هذه الصفحات.
ونشرت عبير علي صفحة جروب إتحاد أمهات مصر في الفيسبوك، منشور تضمن: "جروبات وصفحات مدارسكم.. تقييمكم ليها إيه؟ وإيه اللي بينقصها ومحتاجين يوفروه فيها؟".
ولاقي المنشور تفاعل كبير من جانب أولياء الأمور خاصة الأمهات، حيث قالت ولي أمر: "للأسف معظم المدارس صفحاتها بتكون لنشر الجداول والسبلايز والأنشطة ونتائج الأوائل علي الدفعات، فقليل من المدارس اللي ممكن نلاقيها مهتمه بنشر محتوي تعليمي على صفحاتها لأنهم بيعتمدوا علي جروبات الواتس آب الخاصه بالمدرسين".
وأضافت ولي أمر: "للأسف صفحة مدرستنا مش بتهتم بطلبات أولياء الأمور غير أنها تعتبر هامشيه، متأخره فى المعلومات، مفيش إهتمام يومى بنشاط الطلاب والمدرسين داخل المدرسه وعدم التنبيه بأى جديد".
وذكرت أخري: "ياريت المدارس تعمل ملازم المراجعات لكل المواد وتكون مرجع للطلاب"، وتابعت أخري: "صفحات ليس لها قيمة، المسئولين عنها غير مسئولين بالمرة، لو أى ولى أمر دخل وترك سؤال لا أحد يعيره ويمكن إللى يرد عليه ولى أمر آخر عنده المعلومة، دا غير المعلومات الناقصة إللى بيكتبوها على الصفحة، مفيش مرة يكتبوا تنبيه إلا ويكون مبهم وأما ندخل نستفسر محدش يرد".
"مفيش صفحه لمدرستنا، اللي موجود صفحه أولياء الأمور، نفسنا في صفحة رسميه للمدرسة وينزل عليها التحديث دائما للأحداث الجارية في مدرستنا"، تضيف ولي أمر أخري: "الصفحة بتاعة المدرسه الثانوي بينزلوا كل ما يخص الطالب بس نادرا لما بيردوا علي أي سؤال لينا كأولياء أمور والصفحة بتاعة المدرسه الإعدادى مفيش إهتمام أساسا ومش بينزلوا أي جديد".
اقرا ايضا : ائتلاف أولياء الأمور»: منتدي شباب العالم أحد أهم الفعاليات المصرية العالمية
