تامر أمين عن مواجهة الكاميرون: "قلقان من اللي ممكن يحصل خارج الملعب"
تامر أمين عن مواجهة الكاميرون: "قلقان من اللي ممكن يحصل خارج الملعب"
عبر الإعلامي تامر أمين؛ عن قلقه من إمكانية حدوث مجاملات لصالح منتخب الكاميرون خلال مواجهة المنتخب الوطني في نصف نهائي بطولة الأمم الأفريقية.
وقال أمين خلال برنامج "النهار" المذاع على قناة "النهار": "أنا مش قلقان من منتخب الكاميرون كورة؛ منتخب قوي وجماعي وعنده بنية عضلية قوية ولكن عنده مشاكل تكتيكية واحنا دفاعنا كويس وهجومنا يقدر يستغل الثغرات أنا مش قلقان من الكورة أنا قلقان من اللي هيحدث خارج المستطيل الأخضر".
وأضاف: "كلام أن المسحات ممكن يكون فيها لعب؛ واحنا نربأ بالاتحاد الأفريقي والكاميروني أنه يعمل الكلام دة عشان كدة منتخبنا راحوا عملوا مسحات في معمل مستقل وسمعنا أن الاتحاد الأفريقي فتح تحقيق في الخناقة اللي حصلت مع لاعبي المنتخب المغربي وممكن يكون التحقيق مفتوح عشان يوقع عقوبات على اللاعبين فتبقي مصيبة لأن نص الاسكواد إصابات ومش هنلاقي 11 يلعبوا".
وتابع: "أضف إلى ذلك بقي قصة الحكم اللي أنا شفته من حكم السنغال امبارح يقولي أني هروح أقابل حكم في نص النهائي ياتري هيبقي عامل ازاي؛ امبارح الحكم السنغالي عارفين يعني ايه حكم بصياعة يحزمك ويحجمك محسبش ضربة جزاء ظالمة لكن طول الـ 90 دقيقة مبيخرجكش برة الـ 18 وكل دقيقة بيديهم كورة من برة الـ 18 ".
واختتم: "يبدو أن الكاميرون مكانتش عايزة تلاعب منتخب مصر وأسالوا صامويل إيتو نفسه؛ كام مرة غلب مصر وكان مرة اتغلب من مصر؛ واحنا كعبنا عالي وهما بيقلقوا مننا؛ الحكم خرج اللاعبية عن تركيزها ما بالك كدة والكاميرون مبتلعبش لو القصة مفيهاش مجاملات أنا مش قلقان على منتخبنا".
