والد "فتاة الشرقية" يكشف تفاصيل تعرض ابنته للابتزاز: "المتهم متربي في بيتي"
والد "فتاة الشرقية" يكشف تفاصيل تعرض ابنته للابتزاز: "المتهم متربي في بيتي"
كشف كمال والد إحدى الفتيات بقرية تابعة لمحافظة الشرقية تفاصيل تعرض ابنته وابنة شقيقة للابتزاز الالكتروني باستخدام صور مفبركة.
وقال كمال في مداخلة هاتفية لبرنامج "أخر النهار" المذاع على قناة "النهار": "بداية القصة الولد دة متربي في بيتي والدته بنت عمي من الأم وكنا بنودهم وكده وجه أتقدم لهاجر بنت أخويا ياسر بعد ما رفضناه راح عامل صفحتين وبينشر صور ليها ولبنتي منة وبدأ يشير الصور مع الناس كان معاه 3 ألاف عضو على الصفحة".
وأضاف: "بدأ يحط الصور في جروبات كبيرة وبيكلم ناس باسم البنت وبيبعت ليهم صور وحشة وعملنا بلاغ بتاريخ 14/8/2021 وتم التواصل لبيناته كاملة من مباحث الانترنت".
وتابع: "القضية راحت النيابة ومفروض تروح لمحكمة اقتصادية وكل يوم نسأل وبيقولوا بكرة وبعده وفوجئنا واحنا بنعمل اخطار لرئيس النيابة للاستعجال فوجئنا اتحولت تحريات مباحث تاني".
وأكمل: "الناس ساعدتنا في قفل الصفحة واتقفلت الصفحة بتاريخ 28 نوفمبر بعدها عمل صفحة باسمي وصفحة باسم محمد ياسر وخد صوري وصور بنتي وابن أخويا وبينشر صور للبنات".
واختتم: "عملت بلاغ تاني بتاريخ 5 يناير وتم الاستدلال بنفس المتهم ولسة المجرم حر طليق وبنتي وبنت أخويا أتعرضوا لمشاكل كبيرة وحياتنا توقفت تماما ولما بنتي تفوق وتدخل غيبوبة وتقولي فين حقي وقلتلها حقك يا بنتي عند ربنا".
