وجه تامر عبد الحميد لاعب نادي الزمالك الاسبق، سؤال هام الى الشارع الرياضي المصري أمس الثلاثاء، ( إزاي الأهلي يكسب مونتيري المكسيكي في كأس العالم للأندية بالصف الثاني والزمالك يخسر من سموحة؟".
وحقق سموحة انتصار أمس على الزمالك ورفع رصيده إلى النقطة 18 محتلا المركز الثالث خلف الزمالك الذي يأتي في المركز الثاني برصيد 19 نقطة.
وقال عبد الحميد عبر تصريحات لبرنامج "البلدوزر" المذاع قناة "الشمس" : "إزاي الأهلي يكسب مونتيري المكسيكي في كأس العالم للأندية بالصف الثاني، وأنا كزمالك مش عارف أكسب سموحة في الدوري".
وأضاف: "هو الأهلي بيتكلم عربي وأنا بتكلم حاجة تاني؟ روح مع تنظيم مع إدارة مع فنيات مع مسؤولية مع مدير فني مركز، منظومة كاملة".
واختتم : "لازم حد من إدارة النادي تقعد مع كارتيرون، مش هينفع تغير المدرب دلوقتي لأن في ماتشات، لازم المدير الفني يتشد، وفي الجلسة هتعرف عايز يزهقك ولا لأ عشان يمشي هو بيفكر في حاجات تانية غير الفريق".