محمد الباز عن واقعة عريس الإسماعيلية: هز المجتمع وأظهر صورة سيئة للبلد
محمد الباز عن واقعة عريس الإسماعيلية: هز المجتمع وأظهر صورة سيئة للبلد
علق الإعلامي محمد الباز على تصريحات عريس الإسماعيلية الذي قام بضرب زوجته يوم الزفاف والتي أشار فيها إلى أن ضرب الزوجات تصرف طبيعي في البيئة التي يعيشون فيها.
وقال الباز خلال برنامج "أخر النهار" المذاع على قناة "النهار": "قبل الهواء كنا بنتكلم مع الأخ عبد الله عريس الإسماعيلية ورغم ما اقترفه من خطأ يصل لدرجة الجرم أنا شايف أن في كلام كتير اتقال حواليه وأنه لازم يرد".
وأضاف: "هو قال إنه لم يطلب من أحد أي فلوس للظهور في الإعلام وقال أنا مطلبتش أي فلوس عشان أطلع والراجل نفى لينا أنه طلب فلوس من حد وقال الموضوع حصل واستوعبناه في العيلة وادعولنا".
وأضاف: "المسألة مش واحد ضرب عروسته أو مراته وخلاص؛ الخطأ يبقي خطأ يمكن منبقاش عارفين نواجهه لكن على الأقل نقول إنه خطأ؛ ظاهرة ضرب الزوجات موجودة ولما قال أصل دي حاجة عادية عندنا دا عيب وكل الصعايدة طلعوا قالوا لا الراجل ميضربش ست".
وتابع: "انت مش بتكلم عن واقعة وخلصت وانتهت؛ أنا قدامي كلامي من مركز تدوين وهو مركز دراسات متخصص في النوع الاجتماعي والمركز دة قال كلام مهم؛ بيطالبوا بايه؟ لو الحكاية دي حصلت في أي مكان تاني مفروض التصرف يبقي ايه؛ بيقول مركز تدوين نطالب النائب العام برد حق المجتمع ورفع الأذى البصري والنفسي جراء ما لحق بنا جراء ما تم مشاهدته من جرم وفي حق المعتدي عليها وإن لم ترعب".
وأوضح: "الحكاية مش أنك ضربت عروستك واتصالحتوا وروحتوا وخلاص؛ أحنا هنا بنتكلم عن حق المجتمع ورفع الأذى البصري والنفسي اللي لحق بالناس والناس لما شافوا دا أنت هزيت المجتمع بشكل ما وطلعت صورة البلد زي الزفت".
وأكمل: "المركز بيقول مفروض وزارة الداخلية لازم تقولنا هل تمت إجراءات في الواقعة أو لا وبيطالبوا بتوفير الحماية الشخصية للصحفية اللي صورت الواقعة".
واختتم: "كويس أن دا حصل عشان الجملة اللي قالها عبد الله أن دا العادي؛ لا دا مش العادي وإن كان دا العادي في بعض المجتمعات لازم ميبقاش كدة".
