حرص سيد عبد الحفيظ مدير الكرة بالنادي الأهلي على التأكيد على أن النادي والفريق هو النجم الأول والأخير داخل القلعة الحمراء.
وأجاب عبد الحفيظ في تصريحات إذاعية ظهر اليوم الأحد على سؤال كيفية التعامل مع تبديل أفشة ومحمد شريف وغيرهم من اللاعبين أو جلوسهم على دكة البدلاء في المباريات.
وقال عبد الحفيظ " النجم الأول والأخير في الأهلي هو شعار النادي واسمه، لازم الناس تبقى فاهمة ده كويس جدًا".
وتابع "انت كلاعب جزء من النادي، هتاخد تقديرك واحترامك لكن النادي والفريق هو الأهم، لو فهمت ده وتعاملت معاه هتلاقي الناس في ضهرك وبتدعمك وأجواء أسرية أكنك متربي معانا".
وأضاف "لكن لو انت الأمر بالنسبة ليك اختلط وشوفت نفسك أكبر من المكان الي انت فيه ارفع ايدك واحنا هنحترمك ووقتها هيبقى صعب تكون مكمل معانا".
مختتمًا تصريحاته "مش هيكون في وش خشب او غضب، وطبيعي يكون في تفكير في شعور اللاعب وانك مش حابب تخرج من المباراة وعاوز تكمل اللقاء كله لكن ده سيستم".