عمر كمال يوضح تفاصيل خضوعه للتحقيق في نقابة الموسيقيين
عمر كمال يوضح تفاصيل خضوعه للتحقيق في نقابة الموسيقيين
أكد مطرب المهرجانات عمر كمال؛ أنه عاد إلى مصر منذ يومين لافتا أنه طلب من نقابة المهن الموسيقية تحديد موعد للتحقيق فور عودته.
وقال كمال في مداخلة هاتفية لبرنامج "يحدث في مصر" المذاع على قناة "أم بي سي مصر": "الناس محترمة حددتلي يوم وقالولي تعالي قول اللي عندك".
وأضاف: "كان في حد موصل أن أنا لما رديت على الراجل اللي قالي همرجحك أن دي كلمة قبيحة أو معناها وحش ولكن أنا قلتلهم أنها كلمة دارجة ومعناها أنه هيعاقبك".
وتابع: "الكلمة مش معناها وحش؛ لما قالي الأستاذ هاني شاكر هيمرجحك قلتله هيمرجحك أنت يعني معناها هيعاقبك أنت وبعت للأستاذ هاني شاكر على الوتساب ووضحتله".
واختتم: "أعضاء النقابة فهموا وجهة نظري وورتهم كل حاجة بالفيديو والسبب أن الحفلة اتلغى منها العدد دة لأنهم كانوا فاكرين أني عملت مشاكل وهما تفهموا ورفعوا عني الإيقاف وأنا قلتلهم مش هتسمعوا صوتي تاني غير في الخير وفي النجاح وبس".
