أثار مطرب الراب ويجز، جدلا كبير عبر مواقع التواصل الاجتماعي؛ بسبب ظهوره بإطلالة مختلفة وغريبة خلال حفله مع الثنائي مروان بابلو وعفروتو، في موسم الرياض بالسعودية.
وتصدر ويجز محركات البحث؛ بسبب ظهوره مرتديا شورت موف وجاكيت بدلة خضراء وقميص "بيج"، ووصل سعر الإطلالة أكثر من 92 ألف جنيه مصري تقريبًا، ولاقت ملابس ويجز تداولا واسعًا عبر الشبكات الاجتماعية، مصحوبة بتعليقات منها: "كان لازم ترفضك.. سحرتك ولا سحرتلك.. ربنا نجدها البت عشان غلبانة.. أنا عرفت ليه رفضتك.. شبه فطوطة".
- اليوم العالمى «للطبطبه» يتصدر «التريند» والنساء تغرد ..«احنا في مرمطة»
وفي هذا السياق تستعرض «بوابة أخبار اليوم» أبرز التغريدات:
وكتبت فريدة: «إيه اللي أنت عامله في نفسك دا يا صندوق الطرب»، وكتبت خيرية: «طبعا فيه ناس كتيرر ما تعرفش مين ويجز ده»، وكتبت أم حسن: «أنا شخصيا ما اعرفهوش عرفته مِن ولادي قالولي بيغني راب»، وكتب رحمة: «قولت لأ بقا ده أنا كده فاتني كتيررر أكيد الواد ده صوته جامد ولازم اسمعه دخلت عملت بحث»، وكتب هاني: «فيه كام كلمة فهمتها من الأغنية بيقول حبيبي أنا بضحك على خيبتي ااااه وربنا ده كل اللي طلعت بيه من الأغنيه وفضلت أضحك»، وكتبت أم يوسف: «قال مش عارفه ليه فكرني بفطوطة».
وكتب مروة: «دي عينة غريبة من اللي شبابنا متأثر بيهم بنات واولاد إلا ما رحم ربي»، وكتبت سناء: «العيال اللي في ابتدائي وإعدادي بيدندنوا بأغانيهم وموبايلاتهم مليانة بالهبل بتاعهم»، وكتبت هناء: «أنا ماليش اعتراض على أي حاجة بيعملها ويجز وحلمبوئة وحمو بيكا والمستشار رئيس مملكة الترفيه أنا مصدوم»، وكتب عديلة: «ماليش اعترض على هذا التبني الخارق لهذه الكائنات العجيبة»، وغردت محسنة: «زعلان لأن أخبار ويجز وسعر الحاجات اللى هو لابسها بقت تريند على مواقع التواصل»، وكتب شكرية: «ربع اللامبالاة اللي عند ويجز وأنا هبقي فل الفل أقسم بالله»، وغردت زينب: «الطقم بتاع ويجز اللي مش عاجبكو دا بـ95 ألف ج أنتوا متخيلين»، وغردت ميرفت: «ويجز محتاج سنة ونص يتمرن رجل».
