إبراهيم عيسى: الشعب المصري ناضج ولن يستجيب لأي دعوات تحريضية
إبراهيم عيسى: الشعب المصري ناضج ولن يستجيب لأي دعوات تحريضية
أكد الإعلامي إبراهيم عيسى؛ أن الدعوات للاحتجاج الشعبي على ارتفاع الأسعار تصدر من جماعة الإخوان الإرهابية ومن يساندونها، لافتا إلى أن الشعب المصري لن يستجيب.
وقال عيسى خلال برنامج "حديث القاهرة" المذاع على قناة "القاهرة والناس": "عشان المسائل تبقي واضحة؛ كل من يدعو أنه يحصل في مصر رد فعل على التضخم والأسعار وكل من يدعو للاحتجاج إخواني سواء في الجماعي أو إخواني الهوى أو الهدف".
وأضاف: "كل من يتمنى أن ده يتحقق ده حد معمي عاطفيا ربما لأنه مش قادر يتكلم أو إحساسه أنه كان حاجة مهمة وتضائل أو أن المجال العام مقفول عليه وعاطفته عامية عينيه عن مصلحة البلد".
وتابع: "أنا أقطع وأراهن بمستقبلي كمحلل سياسي أن في بني آدم هينزل ولا مصر هتشوف أي نوع من الاحتجاجات الشعبية ده مش لأنها راضية ولكن لأنها ناضجة شعب ناضج مطحون صح طالع عين أبوه؟ 100% لكن فاهم كويس أنه مش هيكرر أخطاؤه أو أنه يسلم نفسه لرغبته في الاحتجاج بلا هدف فيسلم نفسه للفوضى".
وأكمل: "اللي عايز أي نوع من الاحتجاج يعني الفوضى؛ أنت لا عندك تيار شعبي رئيسي ولا ثانوي ولا تنظيم سياسي ولا حزبي له تواجد في الشارع ولا زعامات تنظيمه؛ في ناس تنزل فتواجهها أجهزة الأمن بفظاظة ويحصل توتر لا ينتهي إلى أي شيء غير أنه هيضر أكتر؛ وبالمناسبة حتى أي حد حالم هيزود القبضة الأمنية أكتر".
وأوضح: "كلها خسائر بلا أي طائل ولخدمة الإخوان فقط والشعب عارف كدة وأنا متيقن أن الشعب عايز هذا الهدوء مع غليانه الشخصي وكل واحد قاعد يدبرها أنه هيعمل ايه وأن الهيصة دي مش هتجيب نتيجة".
وأكمل: "انما أنك تقولي السخط والغضب الحل؟ إيه اللي هيحصل يعني ده حد لا قاري ظروف ولا متغيرات؛ ده محموم بإخوانيته أو بعواطفه بإحباطه بحزنه بألمه وأنا مقدر شباب حاسس أنه محبط ومأزوم؛ ولكن بقدر العقل أكتر من كل ده وبقدر المجتمع اللي بيعرف أخطاؤه وميكررهاش".
واختتم: "وبقدر كمان الحكومات اللي تعرف أخطائها ومتكررهاش وأن في فترات تحتاج إلى وقفة تعبوية على طريقة الجيش؛ في إنجازات حصلت ومشروعات عملاقة وخطوات عظيمة حصلت على مستوى التنمية وعلى الناحية الأخرى في مشاكل اقتصادية على المواطن المصري والناس شايفة الإنجازات ولكن مش مبسوطة لأنه حياتها ماتغيرتش بل اتغيرت بشكل صعب".
