علق سيد عبد الحفيظ مدير الكرة بالنادي الأهلي على الأنباء التي ربط اسم النادي الأهلي بعدد من لاعبي الزمالك التي تنتهي عقودهم في نهاية الموسم الجاري.
ووجه مقدم برنامج اللعيب المذاع عبر قناة إم بي سي مصر أمس الجمعة سؤالًا لسيد عبد الحفيظ إذا كان هناك تعليق منه على انباء ضم محمد أبو جبل أو أشرف بن شرقي من صفوف الزمالك.
وقال عبد الحفيظ في تصريحاته “مفيش حاجة رسمية او خطوة فيها ايجابية بخصوص بن شرقي او محمد ابو جبل، ومتعرضش علينا ولا طلبنا”.
وأضاف “مش عاوزين حد يحط اسمنا في جملة مفيدة او يضع اسمنا في حاجة، لو عملنا ده وطلبنا كجهاز فني التعاقد مع لاعب منهم هنقول ده”.
وواصل عبد الحفيظ “مش هنقول احتراما لكذا وتقديرا لكذا مش هنتعاقد مع اللاعب، لا ده مش موجود في الاحتراف وحصل فينا قبل كدة والناس هيصت وسقفت على الموضوع ده”.
مختتمًا تصريحاته “مش هنتكسف لو عاوزين نضم لاعب اننا نقول، لو عاوزين وفي حساباتنا هنقول اننا حابين نقدم عرض للاعب ده او ده، لكن لحد دلوقتي مفيش حاجة اتعرضت علينا”.
