أحمد موسى يكشف تأثير ضربة روسيا الاقتصادية على الأوروبيين
أحمد موسى يكشف تأثير ضربة روسيا الاقتصادية على الأوروبيين
أكد الإعلامي أحمد موسى؛ أن السلع الغذائية والبضائع متوفرة بكميات كافية لافتا أن رئيس الجمهورية أشار إلى أن المواطن يستطيع شراء أي كمية من احتياجاته بلا قلق.
وقالت موسى خلال برنامج على مسؤوليتي" المذاع على قناة "صدى البلد": "كل شيء موجود معاك وكل شيء عندك في الأسواق؛ عايز أوريكم ألمانيا؛ النهاردة التلفزيون الألماني عامل تقرير عن الوضع في ألمانيا؛ أنا مش بعمل مقارنة لكن بوريك أن حتى الدول الكبيرة عندها مشاكل".
وأضاف: "التضخم ضارب العالم ولسه هيضرب العالم أكتر؛ روسيا قالت للاتحاد الأوروبي أنه مش هيتعامل باليورو أو الدولار تاني؛ وأن الغاز والبترول هيكون الدفع بالروبل الروسي".
وتابع: "انتوا عارفين دة معناه إيه؟ انتوا عايزين غاز مني؛ أنا مش هقطع الغاز أنا هوفره بالسعر العالمي والدفع بالروبل الروسي وغصب عنهم سعره هيطلع وأكيد الأوروبيين معندهمش احتياطي من الروبل الروسي".
وأكمل: "انتوا عارفين ألمانيا عاملة اية دلوقتي عندهم مشكلة كبيرة؛ بوتين بيقولهم العقوبات دي اشربوها؛ هيعملوا ايه؟ أما يخدوا قروض من روسيا بالروبل وهيكون بوتين معلم لأنه هيقولهم اللي بينا وبينكم البنوك بتاعتنا اللي تحت العقوبات".
واختتم: "خط الغاز في كازخستان اللي بيمر على أحد المواني الروسي اتعطل عاصفة ضربته ومحدش عارف إلا الروس قالولهم معلش يا جماعة الخط اتعطل وهياخد شهر أو شهرين على ما يتصلح".
