«بنصف الثمن».. السيسي يوجه وزير الدفاع بتوفير كراتين رمضان للمصريين
«بنصف الثمن».. السيسي يوجه وزير الدفاع بتوفير كراتين رمضان للمصريين
أكد الرئيس عبدالفتاح السيسي توافر جميع السلع الأساسية قبل شهر رمضان، قائلًا: «مفيش مشكلة بفضل ربنا في أي سلعة أساسية، حاجتنا موجودة وزيادة وده فضل ربنا علينا، وجهد الدولة وجهدكم».
أضاف الرئيس السيسي، خلال كلمته في حفل تكريم المرأة المصرية والأم المثالية 2022، أمس الأربعاء: «موضوع الصوامع مثال، مستودعات البوتاجاز، كل دورة شتاء مفيش مكان، الموانئ مش قادرة تستقبل السفن المحملة، وكان الدورة أيام فقط ودلوقتي بقيت شهرين».
وتابع الرئيس السيسي: «دولة فيها 100 مليون، ده مش حاجة بسيطة، تنظيم حياة الناس دى من أول السفينة اللى بتجيب القمح لحد رغيف العيش يوصل إليها، ده على مستوى مصر، طب في العالم فيه مشكلة كبيرة جدا في سلاسل التوريد نتيجة الأزمة الكبيرة اللى الكل متابعها حاليا، ولها تأثيرات اقتصادية على سعر البترول، كنا بنتكلم في سعر البرميل من 60- 70 دولار، دلوقتي سعر البرميل بنتكلم في 115 -120 دولار، نتمنى أن الأزمة دى تنتهي سريعا حتى لا يحدث قفزات أخرى».
وعن شهر رمضان، قال الرئيس السيسي: «إحنا عاملين حسابنا، وكل السلع موجودة في الأسواق. عندنا الجيش نزل 2 مليون كرتونة، ومستعد ينزل 2 و3 و4، وبلا حدود».
وتوجه الرئيس السيسي بالحديث إلى الفريق محمد زكي، وزير الدفاع والإنتاج الحربي، قائلا: «تتباع للناس بنصف تمنها»، ورد الفريق محمد زكي: «تمام يا أفندم».
