«مش واعي باللي حواليه».. ابنة عبدالرحمن أبو زهرة تكشف آخر تطورات حالته الصحية
«مش واعي باللي حواليه».. ابنة عبدالرحمن أبو زهرة تكشف آخر تطورات حالته الصحية
كشفت الدكتورة منى عبدالرحمن أبوزهرة، ابنة الفنان عبدالرحمن أبو زهرة، تطورات الحالة الصحية للفنان القدير.
وقالت «عبدالرحمن»، في مداخلة هاتفية ببرنامج «كلمة أخيرة»، المذاع عبر فضائية «أون إي»، اليوم الأحد: «الاسبوع إلى فات سقط سقطة بسيطة في البيت وقام ومشي عادي بعدها وكان كويس، لكنه بعد فحصه تأكد إصابته بكسر في الحوض، وبعد فحصه من قبل دكتور مخ وأعصاب قال عنده جفاف لان فعلًا فضل أسبوع رفض شرب المياه».
وأضافت: «الحالة تدهورت وتم نقل والدي للمستشفى ومش بيتناول الأكل لمدة 5 أيام، واضطرت المستشفى تركيب أجهزة ضخ للطعام، هو مش واعي أوي باللي حواليه، ومش متواصل معاهم كويس ومش بيتكلم مع اللي حواليه».
وحول إمكانية إجراء تدخل جراحي لعلاج كسر الحوض، قالت: «المفروض فيه عمليه لكن حالته لسه مش مستقرة وممكن البنج يأثر عليه وبالتالي محتاج يتعافى شوية ويتناول الطعام عشان نحدد التدخل الجراحي هيكون إمتى»، مطالبة من محبي والدها بالدعاء قائلة: «ادعوله يقوم بالسلامة».
