علق خالد مرتجي عضو مجلس إدارة النادي الأهلي على تراجع أداء فريق كرة اليد للرجال داخل القلعة الحمراء.
وقال مرتجي في تصريحات إذاعية يوم الثلاثاء "كرة اليد مزعلانا كلنا مش الجماهير بس، كان عندنا المشكلة دي في كرة السلة وعملنا الطفرة اللازمة".
وتابع "في الكرة الطائرة احنا ماشيين بنجاح دائم واحنا اسياد الصالات، محدش يحاسبنا على آخر خسارة لإن طبيعي تخسر، وانت متسيد على طول السنوات الماضية".
وأضاف "احنا مركزين في كرة اليد دلوقتي وبنطور القطاع، معانا قيمة زي كابتن حسين لبيب رئيس جهاز لكرة اليد وبشكر كابتن رؤوف عبد القادر وبشكره على الفترة الي فاتت".
وأختتم خالد مرتجي تصريحاته "حاليا كابتن رؤوف أصبح هو المسؤول عن مشروع البطل الأولمبي في النادي الأهلي وان شاء الله الفترة الجاية هتبقى كويسة في كافة الألعاب".
