تصدرت النجمة نيللي كريم مواقع التواصل الاجتماعي بعد عرض الحلقة الخامسة من مسلسلها التلفزيوني الجديد «فاتن أمل حربي»، والتي تخوض به منافسة ماراثون مسلسلات شهر رمضان الجاري.

وأثارت «نيللي» الجدل بعد عرض مشهد لها وهي داخل محكمة الأسرة بسبب الدعوى القضائية التي رفعتتها على زوجها الفنان شريف سلامة بسبب الولاية التعليمية لبناتها، والتي اعترضت فيه على قانون الأحوال الشخصية، إذ وصفته بأنه قانون ظالم.

وقرر خالد سرحان الذي يجسد دور القاضي حبسها 24 ساعة بسبب أسلوبها.

وفي السطور التالية تفاصيل الحوار الذي دار في هذا المشهد بين نللي كريم وخالد سرحان داخل المحكمة:

- عايزة تقولى حاجة يا ست؟ 

- اه أنا عايزة أقول إنه طردني أنا والبنات من البيت، ومش بيدفع مصاريف المدرسة، وأنا معنديش فلوس عشان أدفع المصاريف وبالفعل رفعت دعوى ودلوقتي بتعمل تحريات عن دخله 

- قانونا كل قضية لوحدها يا ست فاتن.. انهارده قضية الولاية التعليمية 

- طب أنا هعمل بيها إيه إذا كان مش عارفة أدفع مصاريف المدرسة؟ 

- المصاريف دي قضية تانية 

- أيوة ما هو حضرتك عشان أرفع الدعوى لازم أجيب وصولات بأن أنا دافعة مصاريف المدرسة، وأنا معنديش فلوس حضرتك وهو طاردني في الشارع.. أقعد أنا وبناتي نعمل إيه؟

- حاجة حاجة يا ست فاتن هو ده القانون 

- ما هي كل حاجة فيها حاجة ده قانون ظالم 

- = اسكتي يا فاتن اسكتي اعتذر نيابة عن موكلتي

- اعتذر إيه مش عايزة اعتذر وهو قانون ظالم يا شكيب 

- اسكتي يا فاتن واعتذري لهيئة المحكمة 

- لا مش هسكت القانون اللي مش بينصف الست ويخليها تربي عيالها في سلام يبقى قانون ظالم 

- اسكتي يا ست فاتن واعتذري لهيئه المحكمة 

- لا مش هعتذر أنا مقولتش حاجه غلط انتو كل شويه عملين تقولوا لي القانون القانون القانون هو القانون ده نازل من السما؟ 

- متختبريش صبر المحكمة أكتر من كده! 

- أنا بقي عايزه أرفع قضيه على قانون الأحوال الشخصية! 

- حبس 24 ساعة

- أنا معملتش حاجة.. أتحبس ليه

قصة وأحداث مسلسل فاتن أمل حربي

مسلسل فاتن أمل حربي يناقش العديد من القضايا النسائية منها قوانين الأحوال الشخصية، ومحاكم الأسرة، يعتقد الكثيرون أن العمل سيكون له يد في تشجيع السيدات على التمرد، أن يعرفن حقوقهن بدءا من الحضانة والنفقة، سيضغط المسلسل من وجهة نظر الجمهور على قوانين وثوابت مسكوت عنها في الوقت الحالي، وقد يغير بعض القوانين الظالمة التي تجتاح خصوصيات المرأة، وحقها في الحياة الآمنة بعد الانفصال.

ويخوض بطولة مسلسل «فاتن أمل حربى» بجانب النجمة نيللى كريم عدد كبير من نجوم الفن وهم:

• شريف سلامة.
• هالة صدقي.
• محمد ثروت.
• محمد الشرنوبي.
• خالد سرحان.
• فادية عبدالغني.
• محمد التاجي.
• يارا جبران.
• لمياء الأمير.
• تأليف الكاتب الصحفي والإعلامي إبراهيم عيسى.
• إخراج ماندو العدل.