أحمد موسى عن تسريب مرسي: كانوا هيولعوا البلد عشان الكرسي
أحمد موسى عن تسريب مرسي: كانوا هيولعوا البلد عشان الكرسي
علق الإعلامي أحمد موسى؛ على التسريب الذي أذيع خلال مسلسل الاختيار 3 والذي توعد خلاله الرئيس المعزول محمد مرسى بإشعال البلاد حال عدم نجاحه في انتخابات الرئاسة عام 2012.
وقال موسى خلال برنامج "على مسؤوليتي" المذاع على قناة "صدى البلد": "أخطر مفاجأة منذ بداية الاختبار حتى اليوم لأول مرة تسريب اجتماع كان وقتها اللواء عبد الفتاح السيسي مدير المخابرات الحربية والمشير طنطاوي وزير الدفاع ومحمد مرسي العياط كان الانتخابات الرئاسية وكان مفروض يتم الإعلان يوم 21 يونيو وبعدين اتأجل 24 يونيو".
وأضاف: "الاجتماع كان يوم 20 يونيو 2012 بين مدير المخابرات الحربية والمشير طنطاوي ومحمد مرسى اللي كان بيتردد أنه نجح والاخوان أعلنوا النتيجة بدري".
وتابع: "الكلام اللي قاله محمد مرسى إن الإخوان هيولعوا البلد وبيهدد المشير طنطاوي المواطن اعرف حقيقة لو انت في لحظة من اللحظات كنت اديت الاخوان صوتك وأديك شايف مرسى بيهدد وزير الدفاع في مقر المخابرات الحربية".
وأوضح: "نترحم على روح البطل المشير طنطاوي؛ هذا الرجل أنقذ مصر بجد لأن الدولة كانت شايفة وأن في شحنات سلاح جاية من احدى الدول كونتينر 20-30 طن جاي لخيرت الشاطر وصفوت حجازي واخد عربية من الرئاسة ورايح يستلم شحنة السلاح".
وأكمل: "في إرهابي أسمة مرجان سالم كان بيروح يلتقي الارهابين في سيناء بعربية من رئاسة الجمهورية؛ والأخطر محمد مرسى وهو بيتكلم هنولع مصر؛ الإخوان كانوا هيولعوا البلد عشان كرسي ميهموش مين يموت".
واختتم: "محمد مرسى بنفسه هذا الجاسوس القاتل قالك هنولع مصر البلد دي هتولع عشان الكرسي؛ هنولع البلد لو النتيجة اتغيرت هو مين قالك النتيجة هتتغير؛ أنت تولع البلد عشان الكرسي بتاعك؟".
