رسالة إلي بطرس و تأمل في بعض أحداث القيامة
رسالة إلي بطرس و تأمل في بعض أحداث القيامة
يوم كله آلام و ظلام و زلازل و تشقق و انشطار
و لكن غدا نور و السفرة فطار
عليها اللي صاح لبطرس ناكر الجميل
اللي شاف معجزات مالهاش مثيل
شاف أعمال كثيرة ليس لها كفيل
أقام الميت ويشفي الأبرص
و شفي المفلوج و الأخرس
شاف اللي ما يتشاف
دا اللي ما بيشوفش شاف
المسيح شفي الكسيح
و انت قبل ما يصيح .. تنكر المسيح
ثلات مرات يا بطرس ؟
دي مرارات يا بطرس
التهمة تعمد مع سبق الاصرار
و الحكم فيها قاسي يا بار
نسيت شبع الجموع
و الزاد اللي زاد يكفي جموع ؟
افتكر الشبكة اللي علي كلامه القيتوها
و كل القفف اللي مليتوها
افتكر المرأة الخاطية اللي جت و بكت
افتكر الريح اللي هدي و سكت
و ابن القائد اللي شفاه من بعيد
أقول كمان و أزيد و أزيد ؟
دخل بيتك و لمس ايدها و شفاها
و الحمى الشديدة خرجت من جواها
و نهضت تخدم من تاني
دي حماتك مش حد تاني
تنبيه و بذاته نبهك
و قلت أموت معك و لا أنكرك
دا كله اتنسي ؟
طب افتكر موسي و العصي
سامحني سيدي ان كنت زعلان مني
ما هو أنا غصب عني
انت التلميذ الأول الذي يقال له بطرس
مكانة عالية نلتها يا بطرس
تلات سنين معاه آكل شارب نايم
و كل أيامك غنايم
تيجي ف أول اختبار
تسقط يا بار !!
ما كانش يصح و ما كانش العشم
دا المسيح عشانك و عشاني اتصلب
ليه سبت الخطية جواك ؟
دا الجسد من تراب لا هنا ولا هناك
ليه الهزيمة و النكران ليه ؟
أقول ايه ولا ايه و لا ايه
سيدي
أعرف أنك تذكرت و ندمت و بكيت و ذقت الألم
أجهشت و انهارت دموع الندم
إذن هي التوبة و عود الي بطرس الذي يحبه سيده
قديسا يجول يصنع خيرا كسيده
عملت صلاحا و صنعت أياما ممجدة
الشحاذ الأعرج و طابيثا شاهدة
و أعرف آية اينياس مفلوجا ثماني سنوات
ناديته فقام و رآه جموع الساكنين
بشرت و عمدت و ضممت كثيرين
فمن أكون أنا و طهرك
فأنا لا أرقي حتي الي ظفرك
أقمت أمواتا فمن أنا و قدرك ؟
ليتني أكون تحت ظلك
كلمات سطرتها هي آيات لسيدي
أراد ضعفي أن أذكر بها شعب كنيستي
بيلاطس النهارده استجاب لرعيته
و عمل عملته
و رش عليها شوية عواطف
رياء ونفاق و تعاطف
لكن كل شيء ظهر و بان
بيلاطس كان ظالم و كان جبان
ها يروح فين ، ها يلاقي حسابه
يوم تظلم الشمس و يحجب القمر ضوءه
باراباس خرج و أخرج لسانه للجند شماتة
و رب المجد ربطوه و جلدوه و صلبوه و طعنوه
باراباس اللص حلوه و ع الدم اللي ساح بكا و نواح
براءته من رؤساء الكهنة و الكتبة
أما الحساب يوم يأتي فوق السحاب
اللص اليمين استرحم
والرب يرحم
معي تكون في الفردوس
و الرب بالموت الموت يدوس
المسيح مات و قبر
ثم قام و للمجدلية ظهر
و قال لها يا مريم أبشري
و اذهبي لاخوتي و خبري
توما في القيامة شك
أمام القديسين العشرة شك
هات اصبعك يا توما
و مكان الحربة يتشاف
آمن توما لما بص و شاف
و الرب للكل ظهر و اتشاف
المسيح صعد و ها ييجي تاني
يحاسبكم و يحاسبني كنحو أعمالي
لإلهنا المجد في الأعالي
وعلى الأرض السلام و سلامي
ثروت مسعد بخيت
أسيوط – مصر
3 – 4 – 2018