تحدث سيد عبد الحفيظ مدير الكرة بالنادي الأهلي عن التأهل لدور نصف نهائي دوري ابطال افريقيا بعد تخطي فريق الرجاء المغربي.
وقال عبد الحفيظ في تصريحات عبر قناة الأهلي "جينا هنا للمباراة بشخصيتنا، وقلت ان الي هيكون قلقان ميجيش معانا، كنا عارفين الاجواء الي هنلعب فيها في مركب محمد الخامس".
وأضاف "انت بتلعب في النادي الأهلي وده بيديلك شخصية كبيرة، لازم تظهر وتساعد زميلك في الملعب مفيش حاجة اسمها تختفي".
وواصل "الحكم لم يحمينا خلال المباراة في أوقات كتير وحتى ركلة الجزاء حكم الفيديو هو الي حسبها".
وتابع "عندنا مواجهة تانية مع وفاق سطيف وده فريق عنده نتائج مبهرة خارج أرضه وكسب حوريا على ملعبه وظهر بمستوى جيد أمام الرجاء في المغرب وقدروا يكسبوا الترجي في تونس".
وأردف عبد الحفيظ "مش عاوزين نفكر في حاجات لسة قدامها شوية، قدامنا مواجهتين أمام طلائع الجيش وسيراميكا كليوباترا حاليا".
مضيفًا "قبل ما نطلع من استاد السلام في مباراة الذهاب كان لازم نقول ان المباراة خلصت وفي فرصة في المغرب تقدر تكسب وتتأهل من ملعب الرجاء لو رايح بشخصية الأهلي".
وتابع مدير الكرة "لاعبي الأهلي في الموعد دايمًا، والله لو في تحكيم عادل مش هيفرق كتير جوة ملعبك أو برة، النهاردة أمام الرجاء مفيش حاجة بتحسب ليك اصلا بشكل غريب".
مختتمًا تصريحاته "قلت للاعبي الأهلي لو في هنا 50 ولا 60 ألف في مركب محمد الخامس، في 100 مليون واحد في مصر بيشجعك ومستني انك تفوز وبيشجعك في كل لمسة معاك".
