أحمد موسى يكشف عن أزمة في اتحاد الكرة بسبب إيهاب جلال
أحمد موسى يكشف عن أزمة في اتحاد الكرة بسبب إيهاب جلال
طالب الإعلامي أحمد موسى؛ الاتحاد المصري لكرة القدم بالتراجع عن التعاقد مع إيهاب جلال لتدريب المنتخب الوطني مشيرا إلى وجود أزمة داخل الاتحاد بسبب الخلاف حول تعيينه.
وقال موسى خلال برنامج "على مسؤوليتي" المذاع على قناة "صدى البلد": "أنا شخصيا على المستوى الشخصي زعلان على إيهاب جلال؛ عنده فريق محترم مقدرش يصعد بيه للمربع الذهبي؛ عنده فريق محترم واتغلب من الأهلي والزمالك ومازيمبي وودع البطولة".
وأضاف: "عندما تم الاتفاق مع إيهاب جلال على تولي تدريب المنتخب مكانش ينفع أصلا يفضل يدرب بيراميدز؛ دا قالك أنا محتاج أدرب الاثنين؛ مينفعش تدرب منتخب مصر ومعاه حتى الأهلي أنت بتدرب منتخب مصر".
وتابع: "شايف النهاردة حالة كبيرة ضد إيهاب جلال؛ هناك أزمة بين اتحاد الكرة وإيهاب جلال ليه؟ في مجموعة من المجلس مكانوش عايزين إيهاب جلال يبقي مدير فني وفي مجموعة أدت أصواتها لإيهاب جلال ومجموعة أخرى رفضت زي حازم إمام وبركات".
وواصل: "هما مش شايفين أن قدرات إيهاب جلال تدرب المنتخب المصري لكرة القدم؛ تدرب ممنتخب ومعاه لاعب بحجم محمد صلاح أحسن لاعب في العالم".
وأوضح: "النهاردة يخليك لازم تراجع حساباتك؛ واتحاد الكرة لازم يراجع حساباته؛ وارد جدا أغلط ومش عايز كمان اتورط مع المنتخب؛ هل احنا أمام مسؤولية أو لا؛ الاتحاد هيتحاسب لأن أي خطأ مش هنسمح بيه كجمهور".
وأكمل: "مفيش ما يمنع لو كنا غلطنا نقول عادي جدا احنا شفنا المتشات الأخيرة؛ في الماتش دة مازيمبي سجل جول وبيهاجم كل الفريق وبيدافع بكل الفريق وسجل الجول التاني وبيراميدز تاني بقول اللي يهمنا النهاردة منتخبنا كفاية اللي حصلنا".
واختتم: "لو اتحاد الكرة لم يوقع على العقد حتى الأن يفكروا؛ نفتح الباب منقفلش ونسمع للناس وللأراء ومش عايزين نلبس مرة تانية في الحيط والكابتن إيهاب لو جات من عنده يبقي أفضل".
