أكد شادي محمد كابتن نادي الأهلي السابق أنه نادم على الطريقة التي ظهر بها في انتخابات القلعة الحمراء قبل الماضية.
وظهر شادي محمد داعمًا لمحمود طاهر على مقعد رئاسة النادي الأهلي ضد محمود الخطيب في الدورة السابقة.
وقال شادي في تصريحات عبر شاشة القاهرة والناس "مفيش مشكلة اني وقفت مع محمود طاهر ضد محمود الخطيب، لن أندم أبدًا على اتخاذي هذا القرار ومساندة محمود طاهر".
وتابع "ولكنني ندمان جدًا على الطريقة الي وقفت بيها في الانتخابات، مش حلوة في حق كابتن النادي الأهلي انه يكون بالشكل ده".
وأضاف "لما ترجع وتتريث وتشوف الوضع لازم ترفع ايدك وتعتذر عن المشهد السيء الي انت ظهرت بيه ده، لما يكون ليك قيمتك وتاريخك لازم تساند بس في وقار تصوت وتمشي".
وواصل شادي محمد "انا موقفتش اهلل واسقف، قائد الأهلي مش بيعمل كدة، انا كنت بساند زي الي بيساند بالظبط، في ناس بتعمل اكتر من كدة لكن الناس بتحب تشوف بعين واحدة".
مختتمًا تصريحاته "والله ما ساندت محمود طاهر علشان خاطر منصب او حاجة، انا كدة كدة كنت شغال في قناة النادي الأهلي".
