عمرو أديب: "شيرين أبو عاقلة لو اتقتلت في أوكرانيا كانت الدنيا اتقلبت"
عمرو أديب: "شيرين أبو عاقلة لو اتقتلت في أوكرانيا كانت الدنيا اتقلبت"
علق الإعلامي عمرو أديب؛ على استشهاد الصحفية الفلسطينية شيرين أبو عقلة بعد إصابتها برصاص جيش الاحتلال الإسرائيلي خلال اقتحامه لمخيم جنين.
وقال أديب خلال برنامج "الحكاية" المذاع على قناة "أم بي سي مصر": "ما يقومون به يجعلك تكرههم عمى تبقي قاعد عايز تمسك شاشة التلفزيون وتكسرها في الأرض أنا مشوفتش افترا وظلم زي الجنود الإسرائيليين ده مش جيش دفاع ده جيش قتل".
وأضاف: "الاستهبال اللي في الأول وقالوا ده هما اللي ضربوها؛ الرصاصة من مدفع ام 16 أمريكي وقالوا يبدو أنها رصاصة طائشة غير مقصودة".
وتابع: "الست لابسة السترة بتاعة الصحافة ولابسة الخوذة طائشة ازاي يا كفرة؟ اية السفالة دي اية الجريمة دي وكأن ربنا جعل في وفاة شيرين أبو عاقلة أننا دايما نفضل فاكرين أنكم قتله وايديكم فيها دم".
وواصل: "تأتي بطلة جديدة وتقول للعالم العربي والعالم اجمع؛ لو كانت شيرين أبو عاقلة كانت اتقتلت في أوكرانيا كانت الدنيا انقلبت؛ ولأمريكان مش قادرين يقربوا من الإسرائيليين".
وذكر: "دم شيرين أبو عاقلة مش دم واحدة ده دم الشعب الفلسطيني كله وهي ماتت بالطريقة اللي يتمناها أي إعلامي في العام العربي محدش عارف يجيبها من ضرب الرصاص".
وأوضح: "الرصاص مستمر؛ الرصاص اللي جه في البروديوسر علي السمودي الأولى والتانية والتالثة جات في شيرين؛ البنت اللي واقفة جنبها مش عارفة تمد إيديها تشيلها كل دة طايش؟ عالم ظالم وهما قرروا أنهم يبيعوا نفسهم للشيطان".
وأكمل: "هو عالم الأقوياء والمجرمين فقط أن مصر أن تذكرني أنك قاتل وببحر البقر وأبو زعبل مصر أنك تذكرني بأنك قاتل للمدنيين".
واختتم: "الجنازة وكأنها صيحة تذكير؛ انتوا شفتوا الافترا اللي حصل داخلين يضربوا الناس اللي شالها النعش خايفين منها وهي ميتة صوروا همجيتهم؛ يارب احنا ضعفا يارب احنا معرفناش نعمل حاجة أنت القادر يارب يرجعوا تاني للشتات والتيه لأسباب كتيرة معرفناش نعمل حاجة".
