تحدث عصام عبد الفتاح رئيس لجنة الحكام بالاتحاد المصري لكرة القدم عن تصريح "الاحتواء" الشهير للحكم محمد عادل الذي أدلى به بعد مباراة الأهلي والزمالك في قمة الدور الأول من بطولة الدوري.
وقال عصام عبد الفتاح خلال حديثه عبر قناة أون تايم سبورت: "الناس هاجمتني بعد تصريح محمد عادل عن الاحتواء في مباراة الأهلي والزمالك".
وأضاف: "الاحتواء موجود في القانون، التحكيم بقى علم كبير احنا بعيد شوية عنه، من سنتنين الناس كانت بتقول عليا مجنون علشان كنت بقول من قبل القانون والاعتبارات اللي بنحكم بيها المباريات فيها حاجة اسمها فوتبول اندر ستاند".
وأكمل: "وهو إذا لم يكن الحكم على دراية كاملة لمباريات كرة القدم مش هيكون حكم كبير، ده اللي بيشتغلوا بيه في العالم، الاحتواء ده موجود".
وأستطرد: "يعني ايه احتواء؟ احنا عندنا محاضرة من اهم محاضرات التحكيم اسمها إدارة المباراة، على مسئوليتي اوقات الحكم يتغاضى عن إعطاء انذار لنجاح المباراة.. ده اللي بقوله ده علم حاجات نفسية وسيكولوجية".
وأتم عصام عبد الفتاح حديثه: "كلمة احتواء اللي هي روح القانون = إدارة المباراة.. دي مش في القانون بس موجودة في روح اللعبة اللي بقوله ده علم مش بجيب حاجة من عندي".
